អបអរ! ភរិយា Noly បានសម្រាលកូនហើយ មុខមាត់គួរឱ្យក្នាញ់ រីឯឈ្មោះក៏ពីរោះទៀត
តារាចម្រៀងប្រុស និងជាអ្នកនិពន្ធបទចម្រៀង Original Song លោក Noly បានដឹកដៃគូស្នេហ៍ចូលរោងជ័យកាលពីថ្ងៃទី ២៨ តុលា ឆ្នាំ ២០២០ កន្លងទៅ និងបានសាងជីវិតគ្រួសារពោរពេញដោយសុភមង្គលជាមួយគ្នា ដែលតែងបង្ហាញពីសកម្មភាពនៃជីវិតឯកជន ក្នុងគ្រួសាររបស់លោកលើបណ្ដាញសង្គមនោះ ជាពិសេសកាន់តែធ្វើឱ្យលោកមានក្ដីសុខថែមទៀត ពេលភរិយារបស់លោក បានពពោះកូនដំបូងដែលជាតំណក់ឈាមរបស់លោកផងដែរ។
ដោយឡែកនៅថ្ងៃទី ០៧ ខែវិច្ឆិកា ឆ្នាំ ២០២១ នេះ កាន់តែធ្វើឱ្យ ម្ចាស់បទ «លក់គោយន្ត» រូបនេះ មានសេចក្ដីរំភើបចិត្តខ្លាំង ដោយភរិយារបស់លោក បានសម្រាលកូនដំបូងដោយសុវត្ថិភាពហើយ ដែលមើលទៅមុខមាត់កូនរបស់លោក ពិតជាគួរឱ្យស្រឡាញ់ខ្លាំង ពិសេសទៀតនោះ លោក និងភរិយា បានដាក់ឈ្មោះយ៉ាងពីរោះឱ្យកូនថា «ណូលី ណាកេរ្តិ៍»។
នេះបើតាមការបង្ហោះរូបភាពរបស់តារាចម្រៀងប្រុសរូបនេះ ភ្ជាប់ជាមួយសារថា ៖ «ជំរាបសួរ យាយ តា ពូ មីង អូនឈ្មោះ ណូលី ណាកេរ្តិ៍ 07/11/2021 6:47am»។ ក្រឡេកមើលមហាជនអ្នកគាំទ្រលើបណ្ដាញសង្គមវិញ កំពុងតែនាំគ្នាសម្ដែងនូវការចូលរួមអបអរសាទរដល់តារាចម្រៀងប្រុស Noly និង ភរិយា គ្រប់ៗគ្នាផងដែរ ចំពោះការទទួលបាននូវសមាជិកថ្មីដ៏គួរឱ្យក្នាញ់នេះ៕
