ធ្លាប់តែឃើញស្អាត ពេលនេះ Pumpui ប្រែធ្លាក់សម្រស់ខ្ពាក ខ្ទង់ច្រមុះវិញបាក់គ្រហីតៗ

តារាស្រី Pumpui ប្រិយមិត្តប្រាកដជាបានស្គាល់ហើយ ហើយនាងក៏ត្រូវជាភរិយារបស់តារារ៉េបលោក Gawin ផងដែរ។ មួយរយៈចុងក្រោយនេះ គេឃើញតារាស្រី Pumpui ហាក់បីដូចជាជួបរឿងមិនចេះចប់ឡើយ ជាពិសេសរឿងអាស្រូវការរិះគន់មកលើរូបនាង។

ដោយឡែក បើក្រឡេកទៅមើលពីសម្រស់របស់នាងពេលនេះវិញ ហាក់បីដូចជាធ្វើឱ្យមហាជនស្រឡាំងកាំងខ្លាំង ព្រោះធ្លាប់តែឃើញទម្រង់មុខស្អាតសមភ្នែកច្រមុះ ពេលនេះនាងហាក់បែរជាកំពុងមានបញ្ហាទៅលើច្រមុះនាងខ្លាំង ដែលប្តូរពីរខ្ពស់ស្រួច ទៅកំពិតនៅលើក្តោងច្រមុះវិញ រហូតមហាជនជាច្រើនមានចម្ងល់ថា តើនាងទៅប៉ះទង្គិចអ្វី បានជាច្រមុះនាងទៅជាបែបនេះ?

ក្នុងនោះដែរ តារាស្រីរូបនេះក៏បានចេញមុខទម្លាយពីមូលហេតុដែលបណ្តាលឱ្យច្រមុះនាងទៅជាបែបនេះថា ៖ «មូលហេតុដែលច្រមុះនាងបែបនេះ ដោយសារតែសត្វឆ្មារបស់នាងខ្វាច ដោយសារក្រចកវាមុតនៅត្រង់ច្រមុះ ទើបបង្កឱ្យមានមេរោគនៅក្នុងនោះ ចុងក្រោយនាងក៏សម្រេចចិត្តដកស៊ីលីកូនចេញ ដើម្បីកុំឱ្យវារាលកាន់តែខ្លាំងជានេះ»។

ជុំវិញបញ្ហាច្រមុះនេះដែរ មហាជនខ្លះបានលើកឡើងថា ទំនងនាងដកស៊ីលីកូន ព្រោះដោយសារតែនាងពពោះកូនក្នុងផ្ទៃ តែការពិតទៅមិនមែនបែបនោះទេ៕

ប្រភព៖ daradaily