កប់សារី! កុនភាគថៃមួយកំពុងផ្ទុះល្បីពេញពិភពលោក បំបែកប្រវត្តិសាស្ត្រមានអ្នកគាំទ្រច្រើនបំផុត
ភាពយន្តភាគថៃរឿង «Bad Buddy» ចំណងជើងដើមគឺ «แค่เพื่อนครับเพื่อน» ផលិតដោយ GMM25 ជាភាពយន្តស្នេហាកតិកា BL Series ដកស្រង់ពីប្រលោមលោកដ៏ល្បីរបស់យុវវ័យថៃ ចំណងជើង «หลังม่าน» (Behind The Scenes) សរសេរដោយអ្នកនិពន្ធឈ្មោះកវី After Day, West។
ក្រោមការដឹកនាំដោយផលិតករភាពយន្តដ៏ល្បីល្បាញ ដែលជាម្ចាស់ស្នាដៃរឿងជាច្រើនដូចជា «Our Skyy» , «He’s Coming to Me» , «Dark Blue Kiss» , «Still 2gether», «A Tale of Thousand Stars» ឈ្មោះ Backaof Noppharnach Chaiwimol បានធ្វើឱ្យភាពយន្ត «Bad Buddy» នេះ កំពុងមានភាពល្បីល្បាញខ្លាំងលើបណ្តាប្រទេសទាំង ២២ ដែលក្នុងនោះមាន ៧ ប្រទេសគឺ ថៃ វៀតណាម ម៉ាឡេស៊ី សិង្ហបុរី ឥណ្ឌូនេស៊ី ហ្វីលីពីន និង ប្រេស៊ីល ដែលកំពុងផុសផុលនឹងខ្សែភាពយន្តនេះខ្លាំង ជាមួយនឹង Fan bases និង ហ្វេសប៊ុកផេក ជាពិសេសទើបបញ្ចាំងបាន ៧ ភាគ មានកំណើនជាងមួយលានអាខោនអ្នកតាមដានលើបណ្តាញសង្គម Twitter ដែលជាប្រវត្តិសាស្ត្រកុនភាគមានអ្នកតាមដានច្រើនបំផុតនៅអាស៊ី។
យោងតាមទិន្នន័យពីការិយាល័យព័ត៌មាននៃគេហទំព័រផ្លុវការរបស់ GMM ភាពយន្ត «Bad Buddy» នេះមានសរុបទាំងអស់ ១២ ភាគ ត្រូវបានកំណត់កាលចេញផ្សាយនៅថ្ងៃទី ២៩ ខែតុលា ឆ្នាំ ២០២១ លើប្រព័ន្ធកម្សាន្តយូធូប និង គេហទំព័រ រៀងរាល់រាត្រីថ្ងៃសុក្រ ១ ភាគ ក្នុងមួយសប្តាហ៍ ហើយនេះជាភាគទី ៧ ដែលនាំកេរ្តិ៍ឈ្មោះភាពយន្តភាគនេះទទួលបានការគាំទ្រខ្លាំងក្រៃលែងនៅបណ្តាប្រទេសអាស៊ី និង អឺរ៉ុប។
តោះប្រិយមិត្តប្រជាប្រិយទាំងអស់អញ្ជើញទស្សនា Trailer ទាំងអស់គ្នា ៖
