(វីដេអូ) អីយ៉ូយ! Kwan បង្អួតចិញ្ចៀនពេជ្រគ្រាប់ធំ ជះសម្រស់ខ្លាំងមិនបាច់ព្រងីក

តួឯកស្រីរូបស្រស់ស្អាត និង មានប្រជាប្រិយភាព Kwan Usamanee ថ្មីៗនេះ នៅលើបណ្ដាញសង្គមរបស់នាង បានបង្ហោះនូវគ្រឿងអលង្ការយ៉ាងភ្លឺចែងចាំង ជាចិញ្ចៀនពេជ្រគ្រាប់ធំពាក់នៅ​លើម្រាមដៃនាងខាងឆ្វេង មិនចាំបាច់ដាក់កែវពង្រីក។

សង្កេតឃើញថា មួយរយៈចុងក្រោយនេះ តារាស្រីសម្រស់បានសាច់ចាំរូបនេះ ​តែងបង្អួតភាពហ៊ឺហា​រជារឿយៗចែករំលែក​ទៅដល់អ្នកគាំទ្ររបស់នាង ​និង ​នៅលើបណ្ដាញសង្គម។

ដូចជាកាលពីពេលថ្មីៗនេះ Kwan បានបង្អួតចិញ្ចៀនពេជ្រគ្រាប់ធំមើលពេញភ្នែកតែម្ដង ពាក់នៅម្រាមដៃរបស់នាង រហូតធ្វើឱ្យអ្នកគាំទ្រជាច្រើនដែលបានឃើញចិញ្ចៀនមួយវង់នេះ ទប់​ចិត្ត​មិន​បានចូលខមមិន​ឆ្លើយឆ្លងចំអន់​លេងសើចទៅកាន់​នាង ​ហើយអ្នកខ្លះទៀតថែម​ទាំងនិយាយថា ​សុំថ្លៃទិញទឹកថ្នាំ​បណ្តក់ភ្នែក ​ព្រោះតែវាចែងចាំងភ្នែក​ខ្លាំង។​

ទោះជាយ៉ាងណា ចិញ្ចៀនពេជ្រដ៏ស្រស់ស្អាតវង់នេះ មិនទាន់ដឹងច្បាស់ថានេះជាវត្ថុសំខាន់បញ្ចាំងចិត្ត ឬ គ្រាន់តែជាការរូបថតលេងយ៉ាងណានោះទេ ដូច្នេះមានតែប្រិយមិត្តអ្នកគាំទ្ររង់ចាំ​តាមដានមើល​បន្ត​ទៅ​ទៀត៕

ទស្សនាវីដេអូនៅខាងក្រោមនេះ៖