(វីដេអូ) ទើបប៉ះស្នេហ៍កំលោះប៉ូលិស មិនទាន់បានការផង Pat ស្រាប់តែបង្ហើបដំណឹងល្អមួយនេះបាត់

បើនិយាយពីអ្នកមេម៉ាយរូបស្រស់ Pat Napapa ពេលនេះកំពុងតែផ្ទុះការចាប់អារម្មណ៍ខ្លាំង ពីសំណាក់មហាជន ពោលគឺរឿងរ៉ាវផ្តើមស្នេហ៍ថ្មីរវាងនាង និង ប៉ូលិសកំលោះម្នាក់ដែលមហាជនស្គាល់ថាជាសង្សារថ្មីរបស់នាងនេះហើយ។ ពេលនេះដែរ អ្នកទាំងពីរហាក់កំពុងតែធ្វើឱ្យមហាជនច្រណែនមិនស្ទើរឡើយ ក្រោយពេលឃើញរូបភាពផ្អែមល្ហែមបានបង្ហោះជារឿងៗកន្លងមក។

ដោយឡែក នៅថ្ងៃទី ២៧ ខែធ្នូ ឆ្នាំ ២០២១ នេះទៀត មហាជនស្ទើរតែស្រឡាំងកាំងរកនឹកនិយាយអ្វីមិនចេញឡើយ ពេលបានឃើញតារាស្រី Pat Napapa បានបង្ហោះរូបភាពរបស់ខ្លួន ខណៈពេលកំពុងនៅកន្លែងឆ្លុះអេកូពិនិត្យផ្ទៃពោះ។

ជុំវិញរូបភាពនេះដែរ តារាស្រី Pat Napapa ក៏បានទម្លាយប្រាប់មហាជនដោយមិនលាក់បាំងដែរថា កន្លងមកនាង និង គូស្នេហ៍ផ្ទាល់ បានពិភាក្សាគ្នាហើយថានឹងយកកូនជាមួយគ្នា ហើយស្របពេលនេះនាងបានបាត់រដូវផង ទើបនាងមកពិនិត្យ និង ពិគ្រោះជាមួយគ្រូពេទ្យ ចង់ដឹងថានាងអាចមានកូនបានដែរឬទេ ព្រោះពេលនេះនាងក៏កាន់តែមានវ័យច្រើនហើយ។

ជាមួយគ្នានោះដែរ គ្រូពេទ្យក៏បានពិនិត្យទៅលើរាងកាយរបស់នាង ហើយប្រាប់នាងថា សុខភាពរបស់នាងរឹងមាំ អាចនឹងយកកូនបានហើយ។ ទោះជាយ៉ាងណា វាពិតជាដំណឹងដ៏រំភើបចិត្តណាស់ សម្រាប់នាងផ្ទាល់ ក៏ដូចជាមហាជនអ្នកគាំទ្ររបស់នាងទាំងអស់៕

ប្រភព៖ daradaily