មុនក្លាយជាតារា Tik Tok ល្បីរកលុយបានរាប់ម៉ឺន ម៉ាក់ល័ក្ខ ធ្លាប់ធ្វើការងារ ២ នេះ

សម្រាប់ប្រិយមិត្តដែលនិយមប្រើប្រាស់បណ្ដាញសង្គម Tik Tok ប្រាកដជាស្គាល់ ម៉ាក់ល័ក្ខ តាមរយៈវីដេអូខ្លីៗដែលបានបង្ហោះនៅលើបណ្ដាញសង្គមមិនខាន ដោយមកដល់ពេលនេះ ម៉ាក់ល័ក្ខ ទទួលបានចំនួនអ្នកចុច Follow លើគណនី Tik Tok រហូតដល់ជាង ៦ លាននាក់ឯណោះ។

ដោយសារតែភាពប៉ិនប្រសប់ក្នុងការសម្ដែងវីដអូតាមរយៈ Tik Tok នេះ ធ្វើឱ្យ ម៉ាក់ល័ក្ខ បានផ្លាស់ប្ដូរវាសនាខ្លួនឯងស្ទើរទាំងស្រុង ដោយពីមុននាងធ្លាប់ជាក្មេងស្រីធម្មតា រស់នៅក្នុងគ្រួសារមួយដែលមានជីវភាពក្រលំបាក តែពេលនេះ ម៉ាក់ល័ក្ខ មានលទ្ធភាពអាចរកប្រាក់ចំណូលបានរាប់ម៉ឺនដុល្លារ និង ត្រូវមហាជនស្គាល់មិនចាញ់តារាចម្រៀង តារាសម្ដែងល្បីៗប៉ុន្មានឡើយ។

យ៉ាងណាមុនក្លាយជាតារា Tik Tok ល្បីអាចរកចំណូលបានរាប់ម៉ឺនដុល្លារផ្លាស់ប្ដូរជីវភាពគ្រួសារ ជិះឡានទំនើប ប្រើសុទ្ធតែរបស់ប្រ៊េនៗ ម៉ាក់ល័ក្ខ បានទម្លាយតាមរយៈកម្មវិធីមួយថា នាងធ្លាប់ធ្វើការនៅក្នុងកាស៊ីណូ ហើយក្រោយមកក៏ធ្វើជាអ្នករាំតាមអកកាដង់។ ម៉ាក់ល័ក្ខ មិនលាក់បាំងពីអតីតកាលរបស់ខ្លួនឡើយ ទោះបីជាពេលនេះនាងមានឈ្មោះល្បីហើយក៏ដោយ ហើយកាលលេង Tik Tok ដំបូងៗ ក៏នាងមិនគិតថាខ្លួនអាចល្បីមកដល់ចំណុចដូចសព្វថ្ងៃនេះដែរ។

សូមទស្សនាវីដេអូខាងក្រោម ៖