(វីដេអូ) មុនដាច់ឆ្នាំ អេឡិច ចាន់ត្រា សម្ញែងឡានទំនើបលំដាប់អភិជន ជាកាដូពីមនុស្សពិសេស ២ នាក់នេះ

តារាសម្ដែងប្រុសរូបសង្ហា អេឡិច ចាន់ត្រា កំពុងធ្វើឱ្យមហាជនច្រណែននឹងជីវិតបែបអភិជនរបស់លោកមិនតិចនោះទេ ដោយនៅជិតដាច់ឆ្នាំ ២០២១ ចូលឆ្នាំថ្មី ២០២២ នេះ លោកស្រាប់តែបង្អួតអំណោយធំចុងឆ្នាំ គឺជារថយន្តស៊េរីទំនើបតម្លៃរាប់ម៉ឺនដុល្លារ។

អំណោយរថយន្តលំដាប់អភិជនតម្លៃរាប់ម៉ឺនដុល្លារនេះ តារាសម្ដែងប្រុសរូបសង្ហា អេឡិច ចាន់ត្រា បានអះអាងថា ជាកាដូថ្ងៃខួបកំណើតដែលលោកទទួលបានពីលោកប៉ាអ្នកម៉ាក់ជាទីស្រឡាញ់របស់លោក។ អេឡិច ចាន់ត្រា រៀបរាប់ទាំងក្ដីរំភើបថា ៖ «ប៉ាម៉ាក់ខ្ញុំឥលូវចេះ Surprise កូនទៀត កាដូខួបកំណើតឆ្នាំនេះពីអ្នកមានគុណ»។

ទន្ទឹមនឹងនោះ អេឡិច ចាន់ត្រា ក៏បានទម្លាយនូវវីដេអូភ្ញាក់ផ្អើល ខណៈនៅសុខៗស្រាប់តែមានគេយកកាដូឡានទំនើបនេះ នៅមុខផ្ទះតែម្ដងទៀតផង។ សូមទស្សនាវីដេអូ៖