ទើបវ័យ ២ ឆ្នាំ ព្រះអង្គម្ចាស់តូច Enzo កូនប្រុសតារាស្រី សិទ្ធី នីកា ជាប់សែរាជវង្ស ឆ្លាតហើយ ឃ្យូដខ្លាំង

ធ្មេចបើកៗកូនប្រុសដំបូងរបស់តារាសម្តែងរូបស្រស់ សិទ្ធី នីកា មានអាយុជាង ២ ឆ្នាំហើយ ដែលជាចំណងដៃអាពាហ៌ពិពាហ៌ នៃទាយាទស្នងត្រកូលដំបូងនៃចំណង ៥ ប្រការ ក្រោយរៀបការនឹងព្រះអង្គម្ចាស់ នរោត្តម ចារូច័ក្រ ដែលជាបុត្ររបស់ព្រះមហិស្សរា នរោត្តម ច័ក្រពង្ស។

ក្នុងនោះ ក្រោយពីកូនប្រុសដំបូង ពោលគឺអង្គម្ចាស់តូចសែរាជវង្សរបស់អ្នកនាង សិទ្ធី នីកា បានចម្រើនវ័យបន្តិច អ្នកម៉ាក់អភិជនខាងលើក៏បានវិលត្រឡប់មកកាន់វិថីសិល្បៈ និង ក្តាប់តំណែងជាតួឯកក្តោបប្រជាប្រិយភាពដូចដើមផងដែរ។

បើក្រឡេកទៅមើលកូនប្រុសដំបូងអ្នកនាង សិទ្ធី នីកា ព្រះអង្គម្ចាស់តូច នរោត្តម ពង្សច័ក្រី ហៅ Enzo ឯនោះវិញ បើទោះជាមានវ័យទើបតែជាង ២ ឆ្នាំក្តី តែតំណក់ឈាមរាជវង្សរូបនេះ គឺពិតជាឆ្លាតវ័យ និង គួរឱ្យស្រឡាញ់យ៉ាងខ្លាំង រហូតអ្នកលេងបណ្តាញសង្គមហ្វេសប៊ុកជាច្រើនចាប់ក្រសែភ្នែកមិនតិចទេ រាល់ពេលអ្នកនាង សិទ្ធី នីកា បង្ហោះរូបកូនប្រុសនៅលើគណនីហ្វេសប៊ុកម្តងៗ។

បើវ័យទើបតែជាង ២ ឆ្នាំមែន តែព្រះអង្គម្ចាស់តូច Enzo គឺពិតជាឈ្លាសវៃខ្លាំង ជាក់ស្តែងតាមរយៈសកម្មភាពការថតវីដេអូ និង ផ្សព្វផ្សាយផលិតផលផ្សេងៗ ដែលអ្នកនាង សិទ្ធី នីកា ធ្លាប់បង្ហាញឱ្យឃើញពីការសម្តែងនោះ គឺព្រះអង្គម្ចាស់តូច Enzo ពិតជាធ្វើបានល្អណាស់។ ម្យ៉ាងវិញទៀត បើនិយាយពីរូបថតរបស់ព្រះអង្គម្ចាស់តូច Enzo មួយប៉ុស្តិ៍វិញ គឺឃ្យូដខ្លាំង បង្ហាញស្ទីលដូចកំលោះអ៊ីចឹង។

តស់! ទស្សនា រូបភាព ព្រះអង្គម្ចាស់តូច Enzo ៖