អាយុទើប ២៦ ឆ្នាំប្រុសស្អាត ហេង វិសាល ប្រកាសត្រង់ៗថា ធ្លាប់បរាជ័យស្នេហា ៤ ដង

ទស្សនិកជនភាគច្រើនប្រាកដជាបានស្គាល់ហើយ ហេង វិសាល Youtuber ដ៏មានប្រជាប្រិយភាពមួយរូបនៅក្នុងប្រទេសកម្ពុជា អាចនិយាយបានថាមានជីវិតដែលល្អប្រសើរទាំងវ័យក្មេង ដោយអាយុត្រឹម ២៦ ឆ្នាំ ហេង វិសាល មានផ្ទះ លុយ ឡានដែលលោកបានខិតខំប្រឹងប្រែងរកមកដោយខ្លួនឯង។

អាចនិយាយបានថា ហេង វិសាល ជា Youtuber ម្នាក់ដែលទទួលបានភាពជោគជ័យលើជីវិតការងារ ដោយឡែកបើងាកទៅមើលរឿងរ៉ាវស្នេហាវិញ លោកធ្លាប់ជួបរឿងបែកបាក់ស្នេហាចំនួន ៤ លើកមកហើយ ដោយទំនាក់ទំនងស្នេហានីមួយៗ បានស្រឡាញ់គ្នារាប់ឆ្នាំឯណោះ។

ហេង វិសាល បានបើកកកាយពីជីវិតស្នេហាផ្ទាល់ខ្លួននេះនៅក្នុងកម្មវិធី «អ្នកជិតខាង» ដោយសារភាពត្រង់ៗថា រហូតមកដល់អាយុ ២៦ ឆ្នាំនេះ លោកធ្លាប់មានសង្សារចាស់ចំនួន ៤ នាក់។ លើសពីនេះ ហេង វិសាល បានទម្លាយបន្ថែមថា លោកកំពុងមើលចិត្តគ្នាជាមួយនារីម្នាក់ ព្រោះមកដល់ពេលនេះ លោកក៏មានអាយុច្រើនហើយ ម្យ៉ាងក្ដីប្រាថ្នារបស់ម្ដាយលោក គឺចង់ឃើញកូនពៅរៀបមង្គលការ៕