មិនធម្មតា! Pok ជះលុយរាប់លាន ធ្វើទីលានប្រណាំងឡាននៅជុំវិញផ្ទះ ទុកជិះលេង

ដូចដែលប្រិយមិត្តដឹងហើយថាលោក Pok Minset និង តារាស្រី Margie Rasri គឺជាកំពូលតារាលំដាប់សេដ្ឋីក្នុងប្រទេសថៃ ដែលមានទ្រព្យសម្បត្តិច្រើនស្តុកស្តម្ភចាយមួយជីវិតក៏មិនអស់ផង។

តារាប្រុស Pok គឺជាកូនសេដ្ឋីលំដាប់អភិជន រីឯតារាស្រី Margie គឺជាកំពូលតារាសម្ដែងស្រីរកចំណូលបានរាប់លានដុល្លារ ដូចនេះជីវិតរបស់តារាស្រីប្រុសទាំងពីរនេះរស់នៅក្នុងភាពហាយសូរស៊ីវីល័យណាស់។

ជាមួយនឹងជាប់ងារជាតារាជួរមុខមានទ្រព្យសម្បត្តិច្រើន ប្តីប្រពន្ធគូនេះ ក៏តែងតែបង្ហាញគ្រឿងសម្ភារនិយម ដូចជាឡានទំនើប និង របស់ប្រើប្រាស់ប្រេនៗមានតម្លៃថ្លៃជាញឹកញាប់លើបណ្ដាញសង្គមផងដែរ។

តួយ៉ាងថ្មីៗនេះ គេស្រាប់តែឃើញកំពូលតារាស្រីប្រុសទាំងពីរនេះ បានចេញមកបើបង្ហាញផ្ទះថ្មីរបស់ខ្លួនដែលទើបតែសាងសង់រួចរាល់ដោយមានភាពស្រស់ស្អាតយ៉ាងខ្លាំង។

មិនត្រឹមប៉ុណ្ណោះអ្វីដែលធ្វើឱ្យមហាជនចាប់អារម្មណ៍ខ្លាំងលើសពីផ្ទះតម្លៃរាប់លាននោះ គេឃើញថា ផ្ទះតារាស្រីប្រុស Margie និង Pok ហាក់ខុសប្លែកពីផ្ទះអ្នកដទៃ ដោយហេតុថាតារាប្រុស Pok បានធ្វើទីលានប្រណាំងរថយន្តយ៉ាងធំមួយនៅជុំវិញផ្ទះរបស់ខ្លួន ឃើញហើយពិតមិនអួតសរសើរមិនបានមែន។ ទន្ទឹមនឹងចំណាយលុយច្រើនសន្ធឹកសម្រាប់សាងសង់ទីលានប្រណាំងឡានទុកសម្រាប់ជិះលេងកម្សាន្តនេះ ពិតធ្វើឱ្យអ្នកគាំទ្រភ្ញាក់ផ្អើលគ្រប់ៗគ្នា៕