ស្អាតខ្លាំង! ហ៊ិន ចាន់នីរ័ត្ន អាយុជាង ៣០ ឆ្នាំហើយ តែមើលសាច់មុខខ្ចីដូចសាច់កូនង៉ែត

កន្លងមកគេសង្កេតឃើញមានការលើកឡើងទៅលើរូបសម្រស់របស់អ្នកសិល្បៈក្រៅស្រុកជាច្រើន ដែលមានវ័យជ្រេហើយ នៅតែអាចរក្សារូបសម្ផស្ស ដងខ្លួនតូចស្រឡូន មុខមាត់ក្មេងខ្ចីល្លក់មិនចាស់ជ្រីវជ្រួញដដែល ធ្វើឱ្យមហាជនលើកសរសើរនូវភាពក្មេងជាងវ័យរបស់ពួកគេមិនដាច់ពីមាត់។

ធិបសរសើរពីភាពស្រស់ស្អាតរបស់អ្នកសិល្បៈស្រុកគេ ហើយងាកមកមើលសម្រស់តារាសម្ដែងស្រី ហ៊ិន ចាន់នីរ័ត្ន សិល្បការិនីដ៏មានប្រជាប្រិយភាពក្នុងប្រទេសយើងវិញ ក៏កំពុងត្រូវបានមហាជនចាប់អារម្មណ៍ លើកសរសើរព្រោងព្រាតពីរូបសម្រស់ ហើយកន្លងមក នាងថែមទាំងត្រូវបានមហាជនចាត់ទុកជារាជិនីសម្រស់ថែមទៀតផង។

ពិតណាស់ រហស្សនាមជារាជិនីសម្រស់នេះ មិនមែនចេះតែដាក់ៗទៅនោះទេ តួយ៉ាងថ្មីៗនេះ ហ៊ិន ចាន់នីរ័ត្ន បានទម្លាយរូបថត ២ សន្លឹក ថតជាប់សាច់មុខជិតផ្ទាល់ៗដែលគ្មានក្រែមម្សៅ ឃើញថាសាច់មុខរបស់តារាស្រីរូបនេះសខ្ចី ភ្លឺម៉ដ្ឋរលោងគួរឱ្យក្នាញ់ ទោះបីជាពេលនេះ នីរ័ត្ន មានអាយុ ៣១ ជិតចូល ៣២ ឆ្នាំក៏ដោយ៕