ជីវិតស្តេចប្រដាល់ថៃ Buakaw មានលុយឡានវីឡាប្រណីត យន្តហោះផ្ទាល់ខ្លួន រស់នៅអភិជនណាស់

បើនិយាយពីអ្នកប្រដាល់ថៃដ៏ល្បី Buakaw មានប្រិយមិត្តខ្លះប្រាកដជាបានស្គាល់មកហើយពីជីវិតរបស់អ្នកប្រដាល់ល្បីប្រចាំប្រទេសថៃរូបនេះ ទម្រាំមានឈ្មោះល្បីសុសសាយពេញប្រទេសគេបានឆ្លងកាត់អ្វីខ្លះ។

ដោយឡែក អ្វីដែលកាន់តែពិសេស Buakaw បានធ្វើឱ្យមហាជនអ្នកយមគាំទ្រក្បាច់គុនប្រដាល់បានស្គាល់រូបលោកកាន់តែច្បាស់គឺ ចាប់តាំងពីលោកប្រឡូកចូលវិស័យប្រដាល់នេះតែម្តង ពោលគឺអាចនិយាយបានថា លោកជាអ្នកប្រដាល់ក្បាច់គុនរបស់ថៃម្នាក់ដែលឡើងដាល់មិនដែលចាញ់ឡើយនៅក្នុងប្រទេស រហូតលោកក្លាយជាអ្នកប្រដាល់ដំបូងដែលប្រជាជនថៃស្ម័គ្រសាងសង់រូបសំណាក់របស់លោកឱ្យកូនចៅជំនាន់ក្រោយបានឃើញថា លោកគឺជាស្តេចប្រដាល់ម្នាក់ដែលខ្លាំងសម្រាប់ប្រជាជនថៃទាំងអស់។

យ៉ាងណាមិញ ក្រោយមានឈ្មោះល្បីមិនបានប៉ុន្មានឆ្នាំ Buakaw ក៏បានផ្លាស់ប្តូរជីវិតដែលធ្លាប់តែលំបាកឱ្យឃើញពន្លឺមួយប៉ប្រិចភ្នែក មិនត្រឹមតែមានឈ្មោះល្បី តែបើងាកទៅមើលពីជីវិតរស់នៅឯកជនរបស់លោកវិញ ក៏អភិជនមិនចាញ់អ្នកមានជួរមុខនៅក្នុងស្រុកថៃនោះឡើយ ព្រោះលោកមានឡានទំនើបជិះ មានយន្តហោះផ្ទាល់ខ្លួន មានផ្ទះប្រណីតរស់នៅ មានមុខជំនួញ និង អង្គរក្សឆ្វេងស្តាំ ដែលអ្នកណាៗក៏សម្លឹងមើលពីក្តីសុខ ដែលលោកកំពុងតែទទួលបានបន្ទាប់ពីលោកខំប្រឹងជម្នះរហូតមានថ្ងៃនេះដែរនោះ៕

ប្រភព៖ Treesweat