Nadech ញញឹមបិទមាត់មិនជិត ក្រោយ Yaya ធ្វើរឿងមួយនេះនៅថ្ងៃពិសេសរបស់ម្តាយខ្លួន

គូស្នេហ៍តារាជួរមុខ Nadech និង Yaya ដែលប្រិយមិត្តភាគច្រើនបានស្គាល់ច្បាស់ថា ជាគូស្នេហ៍ដែលពោរពេញដោយភាពផ្អែមល្ហែម យកចិត្តទុកដាក់ចំពោះគ្នាទៅវិញទៅមក។

កាលពីយប់ថ្ងៃទី ១០ ខែកុម្ភៈ​ ឆ្នាំ ២០២២ កន្លងទៅនេះ Nadech ហាក់រីករាយសប្បាយចិត្ត រហូតញញឹមបិទមាត់មិនជិត ក្រោយ Yaya បានទិញនំខេកពណ៌ស៊ីជម្ពូដើម្បីអបអរសាទរឆ្លងខួបកំណើតរបស់ម្តាយខ្លួន។

បើទោះបីជាមិនបានរៀបចំធ្វើពិធីអ្វីធំដុំ តែបរិយាកាសនៃការជួបជុំនេះហាក់ពោរពេញដោយភាពកក់ក្តៅ ជាពិសេសគឺទទួលបានការស្វាគមន៍ និងជូនពរយ៉ាងកក់ក្តៅពីសំណាក់ម្តាយ Nadech ដោយបានរៀបរាប់ថា៖ «ស្រីស្អាតនាំយកនំខេកពណ៌ផ្កាឈូកមកឱ្យទាំងកណ្តាលយប់ នំខេកផ្អែម ហើយក៏ស្រស់ស្អាតប្រៀបដូចជាម្ចាស់ចឹងណាចាស៎ កូន Yaya គួរឱ្យស្រលាញ់បំផុត ជុប ជុប»៕