ឆ្លងកាត់ព្យុះសម្តីមកច្រើន Adele ធ្វើឱ្យអ្នកគាំទ្រភ្ញាក់ផ្អើល ចំពោះសម្រស់នាងពេលនេះ
បច្ចុប្បន្ន តារាចម្រៀងស្រីអង់គ្លេស Adele គឺជាចំណុចផ្តោតសំខាន់យ៉ាងរស់រវើកនៅក្នុងសារព័ត៌មានទាំងអស់ នៅពេលដែលនាងបានប្រែកាយក្លាយជាស្រីស្អាតយ៉ាងមានភាពទាក់ទាញ។
ជាក់ស្ដែង ក្នុងកម្មវិធីប្រគល់ពានរង្វាន់តន្ត្រីដ៏ធំបំផុតរបស់ចក្រភពអង់គ្លេស Brit Awards ឆ្នាំ ២០២២ តារាស្រីរូបនេះត្រូវបានគេផ្តោតការចាប់អារម្មណ៍ខ្លាំង ខណៈពេលដែលនាងបានបង្ហាញខ្លួនជាមួយនឹងសម្រស់មុតស្រួច និង រូបរាងទាក់ទាញដូចស្រីសួគ៌។
រហូតធ្វើឱ្យគ្រប់គ្នាជាអ្នកគាំទ្រ ភ្ញាក់ផ្អើលសឹងមិនជឿថាតារាចម្រៀងស្រីដ៏ល្បីរូបនេះ ដែលធ្លាប់មានរាងទ្រលុកទ្រលន់បានប្រែខ្លួនឯងគ្រប់យ៉ាងទាំងសម្រស់ រហូតដល់មានរាងស្លីមស្អាតត្រូវស្តង់ដាឱ្យនាងចង់បាន។ ហើយមនុស្សជាច្រើនបានកោតសរសើរ និង លើកទឹកចិត្តដល់នាងយ៉ាងខ្លាំង ដែលការសម្រកគីឡូរបស់នាងទទួលបានជោគជ័យ បំបែកក្នុងប្រវត្តិសាស្ត្រ Showbiz។
យ៉ាងណាមិញ អ្នកគាំទ្រភាគច្រើនជឿថា ស្នេហាក៏ជាកត្តាជួយឱ្យតារាស្រីរូបនេះដែរ កាន់តែស្រស់ស្អាត និង មានទំនុកចិត្តដូចនាងពេលនេះ មិនអាចមិននិយាយពីមិត្តប្រុសអ្នកជំនួញរបស់នាង Rich Paul នោះទេ។ គូស្នេហ៍មួយគូនេះបានទាក់ទងគ្នាជាផ្លូវការតាំងពីខែកក្កដា ឆ្នាំ ២០២១។
ដោយក្រឡេកមើលរូបថតថ្មីៗជាច្រើនសន្លឹក ចូលរួមក្នុងព្រឹត្តិការណ៍ និង ទស្សនាវដ្តី Adele បន្តបង្ហាញខ្លួនជាមួយនឹងរូបរាងដ៏ស្រស់ស្អាត និងគួរឱ្យស្រឡាញ់ នេះជាលទ្ធផលបន្ទាប់ពីនាងស្រកទម្ងន់។ អាចនិយាយបានថាបច្ចុប្បន្ន Adele បានក្លាយជាស្រីស្អាតម្នាក់ក្នុងហូលីវូដ។
គួរឱ្យដឹងដែរថា នៅក្នុងកម្មវិធី Brit Awards ឆ្នាំ ២០២២ ម្ចាស់បទ «Hello» បានបង្ហាញចិញ្ចៀនគ្រាប់ធំមួយពាក់នៅលើម្រាមដៃនាង ធ្វើឱ្យមានការសង្ស័យពីការភ្ជាប់ពាក្យ។ ប្រសិនបើនេះជាព័ត៌មានពិត ទីបំផុតបន្ទាប់ពីជួបព្យុះភ្លៀង និង ការបែកបាក់ច្រើនដង Adele បានរកឃើញសុភមង្គលពិតផ្ទាល់ខ្លួនហើយ៕
