កំលោះ ៤ រូប បេក្ខជន MSC 2022 កំពុងធ្វើឱ្យអ្នកគាំទ្រលង់ស្នេហ៍ ម្នាក់ៗជះរាងសង្ហាខ្លាំង
កម្មវិធីប្រកួតសមត្ថភាព និង សម្រស់បុរស Mister Supranational Cambodia 2022 បាន និង កំពុងដំណើរការជ្រើសរើស ដោយនៅថ្ងៃទី ២៣ ខែកុម្ភៈ ឆ្នាំ ២០២២ នេះ កម្មវិធីនឹងឈានដល់វគ្គប្រកួតបឋមហើយ។ យ៉ាងណាមិញ ក្នុងចំណោមបេក្ខភាពប្រកួតទាំងអស់ មានបេក្ខជន ៤ រូប ដែលមហាជនរំពឹងខ្ពស់នឹងដណ្តើមបានជ័យជម្នះ ក្នុងនោះមានបេក្ខជនតំណាងឱ្យខេត្ត កំពង់ធំ ព្រះវិហារ ព្រៃវែង និង តាកែវ ដែលពួកគេសុទ្ធតែមានសមត្ថភាព និង បទពិសោធក្នុងវិស័យនេះច្រើន ជាពិសេសនោះគឺរូបរាងស្រស់សង្ហា មុនមានស្នេហ៍នេះតែម្តង។
១. ឡៅ បញ្ញា បេក្ខភាពតំណាងខេត្តកំពុងធំ
មុនមកដាក់ពាក្យប្រកួតកម្មវិធី Mister Supranational Cambodia 2022 កំលោះសង្ហា ឡៅ បញ្ញា ធ្លាប់បានចូលរួមចូលរួមប្រកួតលើវេទិការបុរសឯកលំដាប់ពិភពលោក Miss & Mister Asia International កាលឆ្នាំ ២០១៩ រួចហើយ ដោយដណ្តើមបានជេីងឯកលំដាប់រងទី ១។ បច្ចុប្បន្នរូបគេក៏ជាតារាបង្ហាញម៉ូដ តារាសម្តែងដ៏ល្បីឈ្មោះម្នាក់ និង ជាគ្រូបង្វឹកកីឡាផងដែរ។
២. យូ ថនវណ្ណៈ បេក្ខភាពតំណាងខេត្តព្រះវិហារ
កំលោះ យូ ថនវណ្ណៈ មានអាជីពជា បហុនិកា (អ្នកបម្រើការលើយន្តហោះ Cabin Crew) រូបគេមានសមត្ថភាពអាចនិយាយបាន ៣ ភាសាគឺ អង់គ្លេស ចិន និង ថៃ។
២. ពេជ្រ ទិព្វវិបុល បេក្ខជនតំណាងខេត្តព្រៃវែង
កំលោះសង្ហា ពេជ្រ ទិព្វវិបុល មុនចូលប្រកួតកម្មវិធីនេះ រូបគេធ្លាប់ប្រកួតក្នុងកម្មវិធី Mister Cambodia 2020 ម្តងរួចមកហើយ។ បច្ចុប្បន្នរូបគេគឺជាតារាម៉ូដែលម្នាក់ដ៏មានសមត្ថភាព៕
៤. យ៉េង វ៉ាន់ថា បេក្ខជនតំណាងខេត្តតាកែវ
កំលោះអ្នកខេត្តមណ្ឌលគិរី យ៉េង វ៉ាន់ថា ដែលជាបេក្ខភាពតំណាងឱ្យខេត្តតាកែវរូបនេះ ក៏មិនធម្មតាដែរទាំងសមត្ថភាព និង កម្រិតសិក្សា។ បច្ចុប្បន្នលោកគឺជាមន្រ្តីរាជការមួយរូប និង បានបញ្ចប់ថ្នាក់បរិញ្ញាបត្រ ផ្នែកគ្រប់គ្រង៕
