![Pinky ស្លុតចិត្តសឹងបែកទ្រូង ក្រោយដឹង Tangmo មិត្តសម្លាញ់ធ្លាក់ចូលទន្លេ មិនដឹងស្ល-ា.ប់ឬរស់](https://www.popular.com.kh/wp-content/uploads/2022/02/FI668.jpg)
Pinky ស្លុតចិត្តសឹងបែកទ្រូង ក្រោយដឹង Tangmo មិត្តសម្លាញ់ធ្លាក់ចូលទន្លេ មិនដឹងស្ល-ា.ប់ឬរស់
កាលពីរាត្រីថ្ងៃទី ២៤ ខែកុម្ភៈ ឆ្នាំ ២០២២ ផ្ទុះកាលភ្ញាក់ផ្អើលពេញបណ្តាញសង្គម ក្រោយតារាសម្តែងល្បីឈ្មោះ Tangmo ត្រូវបានគេរាយការណ៍ថាបានធ្លាក់ចូលទឹកទន្លេចៅផាយ៉ា ហើយបានបាត់ខ្លួន ដោយពេលកើតហេតុគឺអំឡុងម៉ោង ១០.៤០ នាទី។
មកដល់ព្រឹកថ្ងៃទី ២៥ ខែកុម្ភៈ គេនៅរកមិនទាន់ឃើញតារាស្រីរូបនេះនៅឡើយ ដោយបច្ចុប្បន្នកងកម្លាំងបានបន្ថែមសមាជិកដើម្បីតាមរក យ៉ាងញាប់ដៃញាប់ជើង។
ជុំវិញហេតុការណ៍នេះ តារាស្រី Pinky Savika ដែលមហាជនភាគច្រើនបានដឹងថា ជាមិត្តជិតស្និទ្ធខ្លាំងរបស់ Tangmo ព្រោះអ្នកទាំង ២ បានស្គាល់គ្នាតាំងពីក្មេង ក៏បានបង្ហាញការព្រួយបារម្ភដូចគ្នា។
ពេញមួយយប់ហើយ ដែល Pinky មិនបានគេង នាងកំពុងតាមដានការស្វែងរកដូចគ្នា នាងបានបង្ហោះសារនៅលើបណ្តាញសង្គម ដោយបួងសួងដល់ព្រះ សុំឱ្យគេអាចឆាប់រកឃើញមិត្តសម្លាញ់ ហើយសង្ឃឹមថា Tangmo នឹងមិនមានគ្រោះថ្នាក់អ្វីនោះទេ៕
ប្រភព៖ Khaosod