![ហ៊ិន ច័ន្ទនីរ័ត្ន ប្រញាប់ប្រកាសទាំងព្រឹក សុខៗមានជនខិលខូចធ្វើរឿងក្តៅក្រហាយនេះដាក់ខ្លួន](https://www.popular.com.kh/wp-content/uploads/2022/02/812.jpg)
ហ៊ិន ច័ន្ទនីរ័ត្ន ប្រញាប់ប្រកាសទាំងព្រឹក សុខៗមានជនខិលខូចធ្វើរឿងក្តៅក្រហាយនេះដាក់ខ្លួន
នៅព្រឹកថ្ងៃទី ២៥ ខែកុម្ភៈ ឆ្នាំ ២០២២ នេះ អ្នកលេងបណ្ដាញសង្គម ជាពិសេសអ្នកគាំទ្ររបស់ ពិធិការិនី ហ៊ិន ច័ន្ទនីរ័ត្ន មានការភ្ញាក់ផ្អើលជាខ្លាំង ក្រោយពីបានឃើញ កញ្ញា បានជូនដំណឹងជាបន្ទាន់ដល់មហាជនឱ្យដឹងថា មានជនខិលខូចបានក្លែងឈ្មោះរបស់នាង ទៅប្រើប្រាស់លើប្រព័ន្ធ Telegram ក្នុងន័យឆបោក ដែលនាងសូមបដិសេធ និង បញ្ជាក់យ៉ាងច្បាស់ថា ប្រព័ន្ធ Telegram នេះមិនមែនជារបស់នាងទេ។
ក្នុងនោះ ហ៊ិន ច័ន្ទនីរ័ត្ន បានបង្ហោះលើបណ្ដាញសង្គមរៀបរាប់ថា ៖«សួស្តីបងប្អូនទាំងអស់គ្នា មានជនខិលខូចបានក្លែងបន្លំឈ្មោះរបស់ខ្ញុំយកទៅប្រើប្រាស់ក្នុងន័យឆបោកតាមប្រព័ន្ធតេលេក្រាម។ នាងខ្ញុំ ហ៊ិន ច័ន្ទនីរ័ត្ន សូមបដិសេធថានេះ មិនមែនជាតេលេក្រាមពិតរបស់នាងខ្ញុំទេ ដូចច្នេះសូមបងប្អូនកុំយល់ច្រលំថានាងឱ្យសោះ បើមានបញ្ហាណាមួយកើតឡើងនាងខ្ញុំសូមមិនទទួលខុសត្រូវឡើយ។ អរគុណបងប្អូនដែលបានផ្ញើឱ្យនាងខ្ញុំបានដឹង»។
ទន្ទឹមនឹងនោះដែរ ក្រោយឃើញបែបនេះ មហាជនអ្នកគាំទ្រ ក៏ដូចជាអ្នកសិល្បៈជាច្រើន បានធ្វើការចូលបញ្ចេញមតិវែកញែកគ្រប់គ្នា និង បង្ហាញពីការព្រួយបារម្ភ ព្រមទាំងឱ្យ តារាស្រីរូបនេះ មានការប្រុងប្រយ័ត្នផងដែរ៕