យ៉ូយ! Margie លើកទាំងគ្រួសារទៅលេងអាមេរិក រីឯតម្លៃផ្ទះស្នាក់នៅវិញ រឹតតែញាក់សាច់

ដូចដែលមហាជនមួយចំនួនបានដឹងហើយថា Pok និង Margie គឺជាគូស្នេហ៍តារាដែលមានទ្រព្យសម្បត្តិវាល់លាន ទោះបីចាយមួយជាតិក៏មិនអស់។

ថ្មីៗនេះ គូស្វាមីភរិយាមួយគូនេះ រួមទាំងកូនៗ បាននាំគ្នាលើកទាំងគ្រួសារចេញធ្វើដំណើរកម្សាន្ត ទៅសហរដ្ឋអាមេរិក។ ដោយដំណើរកម្សាន្តលើកនេះ គឺនឹងស្នាក់នៅទីនោះរយៈពេល ១ ខែពេញតែម្តង។ លើសពីនេះ Magie បានបង្ហើបឱ្យដឹងថានាងនឹងទៅមើលការប្រគំតន្ត្រីរបស់ Justin Bieber ផងដែរ។

គ្រាន់តែគិតត្រួសៗនៃគម្រោងដើរលេងលើកនេះ ក៏ចាយលុយមិនតិចនោះដែរ។ បន្ថែមពីនេះអ្នកទាំងពីរ គឺបានជួលផ្ទះប្រភេទវីឡា ដើម្បីស្នាក់នៅជុំគ្រួសារដោយចំណាយទឹកប្រាក់ប្រមាណជិត ១ លានបាត (ជាង ៣ ម៉ឺនដុល្លារ) ជាប្រភេទផ្ទះតាមជម្រាលភ្នំអាចមើលទេសភាពទីក្រុង LA បានយ៉ាងស្រស់ស្អាត ដោយមានទីតាំងស្ថិតនៅ West Hollywood៕

សូមទស្សនាវីដេអូខាងក្រោមនេះ៖