គម្រប់ខួបស្នេហ៍ ១ ឆ្នាំ Tong Tong និង សង្សារ រៀបចំកម្មវិធីដូចរៀបការថ្មោងថ្មី ឡើងផ្អើលអ្នកគាំទ្រ!

ក្រោយពីប្រកាសប្រាប់មហាជនជាសង្សារផ្លូវការមក គេសង្កេតឃើញថា គូស្នេហ៍តារាប្រុសរូបសង្ហា Tong Tong និង តារាស្រីស្រស់ Best គឺកាន់តែផ្អែមល្ហែមខ្លាំងពីមួយថ្ងៃទៅមួយថ្ងៃ ដល់ថ្នាក់មហាជនអ្នកគាំទ្រលួចច្រណែនទៀតផង។

សម្រាប់គូស្នេហ៍មួយគូនេះចាប់តាំងតែស្រឡាញ់គ្នាមក គេឃើញថាពួកគេទាំងពីរតែងបង្ហាញភាពស្អិតល្មួត ជាមួយគ្នាមិនដែលដាច់នោះទេ។ រាល់ឱកាសបុណ្យផ្សេងៗ ដូចជា គ្រីស្ទម៉ាស់ ឬ ទិវាក្ដីស្រឡាញ់ ពួកគេទាំងពីរតែងតែមានកាដូ និង មានការណាត់គ្នាញ៉ាំអាហាររួមតុសាងស្នេហ៍យ៉ាងរ៉ូមែនទិកពុំសូវបាត់មុខឡើយ។

ដោយឡែក កាលពីពេលថ្មីៗ កន្លងទៅនេះ ក្នុងថ្ងៃគម្រប់ខួបស្នេហា ១ ឆ្នាំ គេឃើញថា តារាប្រុស Tong Tong និង តារាស្រី Best បានរៀបចំពិធីគម្រប់ខួបស្នេហារបស់ពួកគេយ៉ាងផ្អែមល្ហែម និង រ៉ូមេទិកបំផុត។ ក្នុងនោះគេឃើញថាគូស្នេហ៍មួយរៀបចំផ្កាកុលាបពេញលើគ្រែប្រៀបបីដូចរាត្រីទឹកឃ្មុំលើកដំបូងអ៊ីចឹង។

ជាមួយនឹងទិដ្ឋភាព ដ៏ផ្អែមល្អែមរបស់គូស្នេហ៍មួយគូ បានអង្រួនចិត្តប្រិយមិត្តជាច្រើនឱ្យរំភើបចិត្តជាមួយ។ ដូចគ្នានោះគេក៏ឃើញមានការខមមិនអបអរសាទេដល់ក្ដីស្នេហ៍របស់ពួកគេផងដែរ។