(វីដេអូ) Pat អួលដើម-ក ឆ្លើយតបភ្លាម ក្រោយឃើញឃ្លីបចាស់ Tangmo និយាយរំឭកដល់នាង
រឿងរ៉ាវតារាស្រី Tangmo ដែលបានស្លាប់ក្រោយធ្លាក់ពីទូកចូលទឹកទន្លេចៅផាយ៉ា បានក្លាយជាប្រធានបទដ៏ក្តៅគគុកប្រចាំដើមឆ្នាំ ២០២២ ដោយបច្ចុប្បន្នក្តីស្រណោះសោកស្តាយ និង ការទាមទារយុត្តិធម៌នៅតែបន្តធ្វើឡើង។
យ៉ាងណាមិញ ក្នុងចំណោមតារាប្រុសស្រីល្បីឈ្មោះជាច្រើនរូប Pat Napapa ក៏ជាតារាស្រីមួយរូបដែលតែងតាមដានរាល់ព័ត៌មាន Tangmo ផងដែរ បើទោះបីជាអ្នកទាំង ២ មិនធ្លាប់រួមការងារជាមួយគ្នា តែគេលើកទឹកចិត្តគ្នាតាមបណ្តាញសង្គមជានិច្ច។
ថ្មីៗនេះ ស្រាប់តែមានឃ្លីបសម្ភាសចាស់មួយរបស់ Tangmo ដែលនិយាយរំឭកដល់ឈ្មោះ Pat Napapa ដោយ Tangmo បាននិយាយថា ៖ «អ្នកណាក៏ដោយ ដែលមានអារម្មណ៍ថា ហេតុអីជោគជតាជីវិតខ្លួនឯងមិនល្អជួបតែរឿងបែបនេះ ធ្វើឱ្យកើតមានអារម្មណ៍លំបាក កាន់តែរស់នៅក្នុងសង្គមមានមុខមានមាត់ កាន់តែកើតមានឧបសគ្គ។ បើខ្លួនឯងជាមនុស្សចូលចិត្តវិស័យសិល្បៈ ថាជីវិតរបស់អ្នកមិនដូច Pat Napapa ទេ កុំមករអ៊ូហើយត្អូញថាជីវិតលំបាកឱ្យសោះ»។
ក្រោយឃើញឃ្លីបសម្ភាសចាស់មួយនេះ Pat ហាក់រំជួលចិត្ត អួលដើម-ក ជាខ្លាំងក៏បានតបទៅវិញថា ៖ «ខ្ញុំទើបបានឃើញ បានទស្សនាបងស្រី Tangmo! អរគុណណាស់ដែលបងស្រី Tangmo នឹកគិតដល់ Pat បែបនេះណាចាស៎»៕
