(វីដេអូ) ខានជួបគ្នាយូរ សេង មង្គល និង ហ៊ិន ចាន់នីរ័ត្ន និយាយនឹកដាក់គ្នាពេញៗមាត់ ហ្វេនចង់លើសជាតិស្ករ
ពិតណាស់ ដ្បិតតែមួយរយៈចុងក្រោយនេះ លោក សេង មង្គល និង កញ្ញា ហ៊ិន ចាន់នីរ័ត្ន មិនសូវបង្ហាញសកម្មភាពផ្អែមល្ហែមខាងក្រៅ ឬ ឡាយវីដេអូជាមួយគ្នាញឹកញាប់ដូចពីមុនក៏ពិតមែន ប៉ុន្តែតារាប្រុសស្រីមួយគូនេះ នៅតែធ្វើឱ្យមហាជន ជាពិសេសអ្នកគាំទ្រអ្នកទាំងពីរមានការរំភើបចិត្តចំពោះពាក្យសម្ដី ក៏ដូចសារឆ្លើយឆ្លងគ្នាយ៉ាងផ្អែមល្ហែមលើបណ្ដាញសង្គមផងដែរ។
ជាក់ស្ដែងថ្មីៗនេះ ពិធីការិនីរូបស្រស់ និង តារាសម្ដែងរូបសង្ហាទាំងពីរនេះ បានធ្វើឱ្យគាំទ្រហាក់កាន់តែរំជួលបេះដូង និង មានក្ដីសុខជំនួស ខណៈពេលបានឃើញកញ្ញា ហ៊ិន ចាន់នីរ័ត្ន ឡាយវីដេអូម្នាក់ឯងនោះ ស្រាប់តែលោក សេង មង្គល បានចូលខមមិនសួរនាងហៅ Honey ពេញៗមាត់ថា ៖ «Live ម្នាក់ឯងចឹងមាននឹកបងអត់ Honey» ពេលនោះដែរ ពិធីការិនីរូបនេះក៏បានធ្លើយវិញភ្លាមថា «នឹក» ធ្វើឱ្យហ្វេនៗកំពុងមើលឡាយសឹងលើសជាតិស្ករគ្រប់គ្នាតែម្ដង។
ក្រោយឃើញបែបនេះហើយ មហាជនអ្នកគាំទ្របានធ្វើការកាត់តវីដេអូខ្លីៗបង្ហោះពេញបណ្ដាញសង្គម TikTok ភ្ជាប់ជាមួយនឹងក្ដីរំភើបចិត្ត និង ហាក់មានក្ដីសុខជំនួសអ្នកទាំងពីរ ព្រមទាំងជូនពរឱ្យអ្នកទាំងពីរមានទំនាក់ទំនងជាចំណងស្នេហ៍ក្លាយជាការពិតឆាប់ៗទៀតផង៕
