(វីដេអូ) ផ្អើលឆាក! Will Smith ឡើងទះកំផ្លៀងតារាកំប្លែងម្នាក់លើឆាកប្រគល់ពានអូស្កា ព្រោះមូលហេតុនេះ
តារាសម្ដែង Will Smith បានបង្កការភ្ញាក់ផ្អើលពាសពេញឆាកកម្មវិធីពានរង្វាន់ «អូស្កា» ក្រោយរូបលោកផ្ទុះការខឹងសម្បារ និង ដើរឡើងទៅលើឆាក ដាល់មុខតារាកំប្លែង Chirs Rock មួយទំហឹង ក្រោយតារាកំប្លែងរូបនោះ ធ្វើការនិយាយលេបខាយលេងសើចពីភរិយាលោក Jada Pinkett Smith។
តាមរយៈវីដេអូក្នុងកម្មវិធី បង្ហាញឱ្យឃើញថា តារាប្រុសញញឹមស្រស់រូបនេះ បានមានការប្រកាន់ខឹងនឹងតារាកំប្លែង Chris Rock ដែលបានធ្វើការនិយាយលេងសើចចំពោះការកាត់សក់ខ្លីរបស់ Pinkett Smith។
គួរឱ្យដឹងថា កាលពីមុន តារាសម្ដែង Pinkett Smith ធ្លាប់បានទម្លាយពីបទពិសោធរបស់នាងដែលជួបប្រទះការជ្រុះសក់ខ្លាំង រហូតធ្វើឱ្យនាងត្រូវកោរសក់ចេញ។ ដូច្នេះហើយ ការនិយាយលេងសើចនឹងសក់ចំពោះភរិយាលោកពីសំណាក់តារាកំប្លែងរូបនោះ គឺពិតជាធ្វើឱ្យ Will Smith ខឹងជាខ្លាំងរហូតទប់អារម្មណ៍មិនបាន ឡើងទៅទះកំផ្លៀង Chris Rock ដល់លើឆាកបែបនេះ៕
