![បែកពី Joey Boy អស់ ១៦ ឆ្នាំ Pu Praya បែរជារំភើបចិត្ត ក្រោយបានធ្វើរឿងមួយរួមគ្នាវិញ](https://www.popular.com.kh/wp-content/uploads/2022/03/pn-02-18.jpg)
បែកពី Joey Boy អស់ ១៦ ឆ្នាំ Pu Praya បែរជារំភើបចិត្ត ក្រោយបានធ្វើរឿងមួយរួមគ្នាវិញ
ប្រិយមិត្តមួយចំនួនហាក់ពុំសូវជាបានដឹងនោះទេថា តារាសម្ដែង និង ម៉ូដែល នាង Pu Praya ធ្លាប់ជាអតីសង្សាររបស់កំពូលតារាចម្រៀងជួរមុខលោក Joey Boy។ អស់រយៈពេល ១៦ ឆ្នាំហើយដែលតារាស្រីប្រុសមួយគូនេះបានចែកផ្លូវគ្នា តែយ៉ាងណាទោះបីចែកផ្លូវគ្នាក៏ពិតមែន ក៏តារាស្រីប្រុសមួយគូនេះនៅតែមានទំនាក់ទំនងរាប់អានគ្នាមិត្តភក្តិបងប្អូនដូចដើម។
តួយ៉ាងកាលពីពេលថ្មីៗនេះ តារាស្រី Pu Praya ហាក់មានអារម្មណ៍រំភើបចិត្តយ៉ាងខ្លាំងបន្ទាប់ពីនាងបានឡើងឆាកតន្ត្រីជាមួយលោក Joey Boy ដែលជាអតីតសង្សារ ព្រោះអស់រយៈពេលមកជាង ១០ ឆ្នាំហើយ ដែលនាងខានស្ដាប់ការច្រៀងបទចម្រៀងផ្ទាល់ពីលោក Joey Boy ។
ដោយសារសេចក្ដីរំភើបបានស្តាប់ចម្រៀងផ្ទាល់ពីមនុស្សខ្លួនធ្លាប់ស្រឡាញ់ ក្នុងនោះគេក៏ឃើញតារាស្រី Pu Praya បានចេញមកបង្ហោះរូបភាព វីដេអូ ព្រមទាំង Caption យ៉ាងមានន័យមួយលើគណនីអ៊ីនស្ត្រាក្រាមរបស់ខ្លួនផងដែរថា ៖ «ជាង ១០ ឆ្នាំបានកន្លងផុតទៅ បងមិនដែលបានច្រៀងចម្រៀងបទនេះឱ្យស្ដាប់ឡើយ តែពេលនេះបានស្តាប់ហើយ ពិតជារំភើបចិត្តណាស់ Joey Boy បងពិតជាអស្ចារ្យណាស់»៕