![គង់ ចាន់ស្រីមុំ បង្ហើបពី យ៉ាន់ លីនដា ធ្លាប់ជួបរឿងរ៉ាវច្រើនរាប់ភ្លេច ទម្រាំក្រោកមករឹងមាំម្ដងទៀត](https://www.popular.com.kh/wp-content/uploads/2022/03/BeBe-29-03-2022-03.jpg)
គង់ ចាន់ស្រីមុំ បង្ហើបពី យ៉ាន់ លីនដា ធ្លាប់ជួបរឿងរ៉ាវច្រើនរាប់ភ្លេច ទម្រាំក្រោកមករឹងមាំម្ដងទៀត
ចង្កៀងផ្ទះអ្នកណាភ្លឺក្នុងផ្ទះអ្នកនោះ ដ្បិតថាកន្លងមករឿងរ៉ាវជីវិតឯកជនរបស់តារាចម្រៀង អ្នកនាង យ៉ាន់ លីនដា ត្រូវបានលាតត្រដាងឱ្យមហាជនបានដឹងខ្លះៗ ជាក់ស្ដែងដូចជាជីវិតអាពាហ៍ពិពាហ៍បែកបាក់របស់នាងជាដើម ប៉ុន្ដែការឈឺចាប់ ទុក្ខសោក ឬសប្បាយ មានតែសាមីខ្លួនដែលជួបប្រទះនូវបញ្ហាផ្ទាល់ទេទើបដឹង ព្រោះថាមហាជនបានត្រឹមសម្លឹងមើល ចំណែកមិត្តភក្ដិបានត្រឹមជួបលើកទឹកចិត្តប៉ុណ្ណោះ។
យ៉ាងណាក្រោយភ្លៀងមេឃក៏ស្រឡះ រំលងផុតច្រើនឆ្នាំមកនេះ យ៉ាន់ លីនដា រស់នៅប្រើជីវិតជាស្រ្តីមេម៉ាយ បីបាច់ចិញ្ចឹមកូនស្រីបានយ៉ាងល្អនៅលើទឹកដីប្រទេសអូស្រ្តាលី ហើយអ្នកនាងក៏ក្រោកឡើងមកធ្វើជាមនុស្សស្រីដ៏រឹងមាំម្ដងទៀតដើម្បីកូនស្រី ខណៈអ្នកនាងបានឆ្លងកាត់រឿងរ៉ាវក្នុងជីវិតជាច្រើនដែលគ្មានអ្នកដឹង។
ក្នុងនោះ គង់ ចាន់ស្រីមុំ បានត្រឹមតែបង្ហើបយ៉ាងខ្លីពីខ្សែជីវិត យ៉ាន់ លីនដា ថាអ្នកនាងឆ្លងកាត់រឿងរ៉ាវជាច្រើនទម្រាំតស៊ូក្រោកឈរមកដល់ពេលនេះថា ៖ «My beautiful mommy Linda Yan គាត់ជាមនុស្សស្រីម្នាក់ដែលខ្ញុំគោរពស្រឡាញ់ដូចជាម្តាយ ដូចជាបងស្រី ជាមនុស្សស្រីម្នាក់ដែលរឹងមាំឡើងមកតែម្នាក់ឯង ឆ្លងកាត់រឿងរ៉ាវជាច្រើនដែលគ្មានអ្នកណាដឹង ព្រោះតែអំពើល្អរបស់គាត់ទេវតាក៏មិនបានទុកគាត់ចោលដែរ ពេលនេះគឺគាត់មិនមែនជាមនុស្សស្រីទន់ខ្សោយដូចពីមុនដែលទុកឱ្យគេជិះជាន់បានគ្រប់ពេលទៀតនោះទេ អរគុណដែលប្រឹងក្រោកឈរដើម្បីគ្រួសារ និងប្អូនម្នាក់នេះផងដែរ 𝐈 𝐥𝐨𝐯𝐞 𝐮 𝐦𝐨𝐦𝐦𝐲»៕