![ទម្លាយតម្លៃការរៀបចំមង្គលការរបស់ Chane ពិធីត្រឹមមួយថ្ងៃ ក៏ចាយចូលខ្ទង់ម៉ឺនដុល្លារ](https://www.popular.com.kh/wp-content/uploads/2022/03/FI765.jpg)
ទម្លាយតម្លៃការរៀបចំមង្គលការរបស់ Chane ពិធីត្រឹមមួយថ្ងៃ ក៏ចាយចូលខ្ទង់ម៉ឺនដុល្លារ
កាលពីថ្ងៃទី ១៧ ខែមីនា ឆ្នាំ ២០២២ កន្លងទៅនេះ តារាប្រុសរូបសង្ហាវ័យ ៣៨ ឆ្នាំ Chane Nattawat បានដឹកដៃគូស្នេហ៍នាង Pairrykaa ចូលរោងការដោយមានចាស់ទុំដឹងឮ ហើយរៀបចំតាមប្រពៃណីយ៉ាងអធិកអធម។
ពិធីមង្គលការរបស់ Chane បានរៀបចំនៅឯឆ្នេរសមុទ្រ ដោយលោកបានកក់សណ្ឋគារឯកជនមួយទាំងមូល ក្នុងខេត្តភូកេត ដើម្បីរៀបចំពិធីនេះឡើង។
Chane បានទម្លាយឱ្យដឹងថា ៖ «ដំបូងឡើយលោកគ្រាន់តែចង់រៀបចំធម្មតាៗដូចពិធីឆ្លងខួបកំណើត ដោយលោកគិតថាត្រៀមចំណាយប្រមាណជាង ៦ សែនបាត (ប្រមាណជាង ១ ម៉ឺន ៧ ពាន់ដុល្លារ) លុះគិតទៅគិតមក ស្រាប់តែភ្ញៀវចូលរួមកើនឡើងដល់ ១២០ នាក់ ដែលតម្រូវឱ្យលោកត្រូវបិទសណ្ឋាគារមួយទាំងមូលដើម្បីរៀបចំតែម្តង តែធ្វើឱ្យការចំណាយត្រូវគុណនឹង ២ គឺកើនឡើងដល់ ១ លាន ២ សែនបាត (ប្រមាណជាង ៣ ម៉ឺន ៥ ពាន់ដុល្លារ)»។
Chane បានបន្ថែមថា ៖ «ទោះបីចំណាយច្រើនលើសការរំពឹងទុក តែលោកពេញចិត្តនឹងធ្វើវា ហើយក៏រីករាយជាខ្លាំង ព្រោះតែវាជាពេលវេលាសំខាន់បំផុតសម្រាប់ជីវិតគូ ហើយពីធីធ្វើឡើងបានដោយរលូន និង មានភាពសប្បាយរីករាយ»៕
ប្រភព៖ Teenee