ហ្វេនររំជួលចិត្ត ក្រោយឃើញស្វាមី Nune បង្ហាញការគាំទ្រ Bird តាមរយៈទង្វើនេះ
ប្រិយមិត្តមួយចំនួនមុខជាធ្លាប់បានដឹង និង ស្គាល់រួចមកហើយ ហាយសូរ Tod ឬ Tod Piti ជាស្វាមីរបស់តារាស្រីជួរមុខ Nune Woranuch និង ជាម្ចាស់រោងចក្រ Boon Rawd Brewery ដែលមានដាក់លក់ផលិតផលភេសជ្ជៈ និង ចំណីអាហារដ៏ធំសម្បើមមួយប្រចាំប្រទេសថៃ។
ថ្មីៗនេះហាយសូរ Tod បានធ្វើឱ្យមហាជនចាប់អារម្មណ៍ជាខ្លាំង ក្រោយពីបានបង្ហោះរូបនៅលើ IG ដោយពាក់អាវយឺតយីហោ StonerBKK ជាមួយសារថា ៖ «ប្រ៊េន ២ ទៀតកំពុងតែមកបណ្តើរៗហើយ»។
ក្រោយឃើញសារបែបនេះ បានធ្វើឱ្យអ្នកគាំទ្រហាក់រំជួលចិត្តជាខ្លាំង ដោយសង្ឃឹមថាសារនេះអាចជាដំរួយល្អ ដែលហាយសូរ Tod អាចនឹងជួយដល់ Bird ដែលជាគូស្នេហ៍របស់ Tangmo នៅពេលខាងមុខនេះ ហើយវាក៏បានបង្ហាញឱ្យឃើញថាហាយសូរ Tod ក៏ជាអ្នកគាំទ្រយីហោ Stoner BKK មួយរូបផងដែរ។
គួរបញ្ជាក់ឱ្យដឹងដែរថា ហាយសូរ Tod និង Nune ក៏ធ្លាប់បានចូលរួមជួយឧបត្ថម្ភទឹកបរិសុទ្ធ និង សូដាក្រូចឆ្មាយីហោ សិង្ហា សម្រាប់ពិធីបុណ្យសព Tangmo ទាំងមូល កាលពីពេលកន្លងទៅផងដែរ៕
ប្រភព៖ Teenee
