តារាចម្រៀងវ័យក្មេង ៣ ដួង ប្រឹងប្រែងរកលុយកម្លាំងញើសឈាម ទិញឡានទំនើបជិះយ៉ាងអភិជន

នៅក្នុងខែមីនា ឆ្នាំ ២០២២ កន្លងទៅ គេឃើញមានអ្នកសិល្បៈជាច្រើនបានចាយលុយរាប់ម៉ឺនដុល្លារទិញរថយន្តទំនើបជិះផ្ទាល់ខ្លួន ធ្វើឱ្យមហាជនជាច្រើនកោតសរសើរដោយសារតែសិល្បករ សិល្បការិនី ៣ រូបនេះ មានវ័យនៅក្មេង ប៉ុន្ដែប្រឹងប្រែងរកលុយកម្លាំងញើសឈាមរហូតអាចបំពេញក្ដីស្រមៃទិញឡានរាប់ម៉ឺនជិះយ៉ាងអភិជនគួរឱ្យសរសើរ។

១. ចំរើន សុភ័ក្រ្ត

តារាចម្រៀងវ័យក្មេងរូបនេះ សាងបានភាពល្បីល្បាញកាន់តែច្រើនឡើងពីមួយថ្ងៃទៅមួយថ្ងៃធ្វើឱ្យមហាជនកោតសរសើរចំពោះសមត្ថភាពរបស់នាងជាខ្លាំង។ ខណៈជីវិតកាន់តែជោគជ័យកាលពីជាងពាក់កណ្ដាលខែមីនា ឆ្នាំ ២០២២ កន្លងទៅ ចំរើន សុភ័ក្រ បានជះលុយរាប់ម៉ឺនទិញឡានជិះយ៉ាងព្រងើយ។

២. ឈីន រតនៈ

ងាកមកមើលជីវិតក្រោយប្រឡូកសិល្បៈរបស់ ឈីន រតនៈ វិញក៏មិនណយប៉ុន្មានដែរ នាងរស់នៅក្នុងជីវភាពប្រសើរជាងមុន ជាពិសេសកាលពីជាងពាក់កណ្ដាលខែមីនា ឆ្នាំ ២០២២ កន្លងទៅ រតនៈ ក៏បានបង្អួតរថយន្តថ្មីសន្លាងតម្លៃរាប់ម៉ឺនដុល្លារមួយគ្រឿងដែលទើបនឹងទិញ គឺកើតចេញពីកម្លាំងញើសឈាមនាងផ្ទាល់។

៣. នាយ ចឺម

ចាប់តាំងពីផ្អាកការងារកំប្លែងស្រវ៉ាចាប់យកអាជីពជាតារាចម្រៀងជាប់ឡាប់មក នាយចឺម ហាក់មានយីអ៊ុនឡើងស្រឺតៗ មិនថាខាប្រជាប្រិយភាព ឬ ផ្នែកហិរញ្ញវត្ថុនោះទេ។ តួយ៉ាងនៅចុងខែមីនា ឆ្នាំ ២០២២ កន្លងទៅនេះ នាយចឺម បានចាយលុយរាប់ម៉ឺនទិញឡានទំនើបជិះបង្ហាញជីវិតយ៉ាងហាយសូរបំផុត៕