បាត់មុខជាង ៨ ខែ ទីបំផុត Zhang Zhehan ស្រាប់តែលេចមុខជាថ្មី ផ្អើលអ្នកគាំទ្រ
លោក Zhang Zhehan គឺជាតារាសម្ដែងប្រុសរបស់ចិន ដែលមានប្រជាប្រិយភាពខ្លាំង ដោយសារតែរឿង «Word of Honor» ប៉ុន្តែកាលពីឆ្នាំ ២០២១ តារាសម្ដែងប្រុសអាជីពរូបនេះ ត្រូវបានគេរកឃើញថាបានថតរូបនៅទីសក្ការបូជា Yasukuni ក្នុងប្រទេសជប៉ុន ហើយបានធ្វើឱ្យអ្នកនិយមលេងអ៊ីនធឺណេតចិនមានការខឹងសម្បាយ៉ាងខ្លាំង។
ភ្លាមនោះ តារាប្រុសរូបនេះ មិនត្រឹមតែបានហាមឃាត់មិនឱ្យចេញផ្សាយក្នុងសិល្បៈប៉ុណ្ណោះទេ សូម្បីតែគណនីសហគមន៍ចិនទាំងអស់ រួមទាំង Weibo, Douyin, Oasis ផ្ទាល់ខ្លួន និង គណនីផ្សេងទៀតត្រូវបានបិទជាផ្លូវការទាំងតក់ក្រហល់ មានតែគណនី Instagram ប៉ុណ្ណោះដែលមិនមានជារបស់ចិន នៅបើកដំណើរការ។
ជាក់ស្ដែង បន្ទាប់ពីព្យុះភ្លៀងនោះបានផ្ទុះឡើង ការបង្ហោះរូបនៅលើ IG ចុងក្រោយរបស់លោក ត្រូវបានដឹងថានៅថ្ងៃទី ១៦ ខែកក្កដា ឆ្នាំមុន ដោយចាប់ពីនោះមកគេមិនមានឃើញការបង្ហោះអ្វីថ្មីឡើយពីសំណាក់តារាប្រុសរូបនេះ ប៉ុន្តែក្រោយមក នៅថ្ងៃទី ០៣ ខែមេសា ឆ្នាំ ២០២២ តារាប្រុសរូបនេះ បានធ្វើឱ្យអ្នកគាំទ្ររំភើបចិត្តខ្លាំងស្ទើរស្រក់ទឹកភ្នែក ជាមួយការបង្ហោះរូបថ្មីឡើងវិញ។
ក្នុងនោះ Zhang Zhehan បានបង្ហោះរូបថតថ្មីចំនួន ២ សន្លឹក ពាក់អាវពណ៌ស ហើយញញឹមយ៉ាងស្អាតដាក់កាមេរ៉ា និង សរសេរខេបសិនដល់អ្នកគាំទ្រថា ៖ «Find your voice, Find yourself»។ ពេលនោះ ត្រឹមតែ ៥ នាទីប៉ុណ្ណោះ មនុស្សប្រមាណជាង ៥ ពាន់នាក់ បានចូលមកសម្ដែងក្តីរំភើប និង នឹករឭកដល់លោកជាខ្លាំង ព្រមទាំងរបូតមាត់ថា ៖ «ទីបំផុត លោកបានត្រឡប់មកវិញហើយ»៕
