ទម្លាយមុខជំនួញតម្លៃវាល់លាន ហាយសូរ Note Vises គូស្នេហ៍ Patricia កំពុងក្តាប់ក្នុងដៃ

ប្រិយមិត្តភាគច្រើនមុខជាធ្លាប់បានស្គាល់រួចមកហើយ ហាយសូរ Note Vises ដែលត្រូវជាគូស្នេហ៍តារាស្រីថ្ពាល់ខួច Patricia Good មានសម្រស់ស្រស់ស្អាត និង កេរ្តិ៍ឈ្មោះល្បីក្នុងពិភពសិល្បៈ។

បើក្រឡេកទៅមើលប្រវត្តិហាយសូរម្នាក់នេះ គឺថាមិនធម្មតានោះទេ ដោយលោកគឺជាកូនប្រុសមួយរូបក្នុងត្រកូល Rangsisingpipat ដែលជាត្រកូលមហាសេដ្ឋីប្រចាំប្រទេសថៃ។ ហាយសូរ Note ក៏ត្រូវជាប្អូនថ្លៃរបស់កំពូលតារាស្រីជួរមុខ Chompoo Araya ផងដែរ។ គ្រួសាររបស់ហាយសូរ Note Vises គឺប្រកបមុខជំនួញខ្សែកាបអុបទិកធំបំផុតប្រចាំប្រទេសថៃ ដែលបច្ចុប្បន្នគឺកាន់កាប់ដោយបងប្រុសលោកគឺ Nott Visrut។

ដោយឡែក ហាយសូរ Note Vises ផ្ទាល់ក៏មានមុខជំនួញ​ និង ក្រុមហ៊ុនផ្ទាល់ខ្លួនផងដែរ។ ក្រោយបញ្ចប់ការសិក្សាមកពីបរទេស Note Vises បានក្លាយជា CEO ក្រុមហ៊ុនផលិតភេសជ្ជៈ H2Flow ដែលមានដាក់លក់ផលិតផលយីហោ Slin Drink បច្ចុប្បន្នមានតម្លៃជាង ១ ៨៤២ លានបាត (ប្រមាណ ៥៣ លានដុល្លារ)។

បន្ថែមពីនេះ ហាយសូរ Note Vises ក៏ជាម្ចាស់ក្រុមហ៊ុនផលិតផលចំណីអាហារ Nola Foods ដែលបច្ចុប្បន្នមានតម្លៃជាង ២៨ លានបាត (ប្រមាណ ៨ ម៉ឺនដុល្លារ)៕