ធ្មេចបើកៗកូនស្រីពៅ Chompoo កើតបាន ១ខែហើយ រៀបចំថ្ងៃចេញខែដំបូងយ៉ាងសាមញ្ញ
ចាប់តាំងពីនាងតូច Abigail បានមកកាន់ពិភពលោកដ៏ស្រស់ស្អាតមួយនេះ ឃើញថាមានអ្នកគាំទ្រជាច្រើនឈ្លក់វង្វេងនឹងភាពគួរឱ្យក្នាញ់របស់កូនស្រីពៅរបស់តារាសម្ដែងស្រី Chompoo Araya យ៉ាងខ្លាំង។ ពីមួយថ្ងៃទៅមួយថ្ងៃ អ្នកតាមដានសកម្មភាពរបស់ទាយាទស្នងមរតកពាន់លានរូបនេះ បានកើនច្រើនឡើងៗរហូតដល់ថ្នាក់កូនប្រុសភ្លោះទាំងពីរ Saifa និង Phayu ក៏ស៊ូការគាំទ្រមិនឈ្នះប្អូនស្រីរបស់ពួកគេដែរ។
ជាក់ស្ដែងនៅថ្ងៃទី ៣០ ខែមេសា ឆ្នាំ២០២២ គឺជាថ្ងៃចេញខែដំបូងគម្រប់ ១ ខែរបស់នាងតូច Abigail ក្នុងថ្ងៃនោះ ឃើញថាអ្នកម្ដាយរូបស្រស់ Chompoo ក៏បានរៀបចំនំខេកដើម្បីអបអរដល់កូនស្រីជាមួយនឹងគ្រួសារដ៏កក់ក្តៅ យ៉ាងសាមញ្ញ។
ក្នុងនោះដែរ ក៏មានអ្នកគាំទ្រក្នុងបណ្តាញសង្គមរបស់តារាស្រីរូបនេះ បានចូលរួមអបអរ និង ជូនពរដល់កូនស្រីពៅ Chompoo ក៏ដូចជាសរសើរពីរូបសម្រស់របស់អ្នកម្ដាយកូន ៣ រូបនេះយ៉ាងខ្លាំង ព្រោះទើបតែសម្រាលកូនខ្ចីបាន ១ខែ សម្រស់ក៏នៅតែស្អាតខ្ញង់ស្រស់ស្រាយជាងមុនទៀត៕
