Deaw Suriyont តារាប្រុសឆ្វាក់តែតួរង ចូលវ័យខ្ទង់ ៤០ ឆ្នាំហើយ នៅជះរាងសង្ហាធ្វើឱ្យអ្នកគាំទ្ររំជួលបេះដូងបាន
Deaw Suriyont គឺជាតារាសម្តែងប្រុសមួយរូបមានភាពល្បីល្បាញខ្លាំងក្នុងឧស្សាហកម្មកម្សាន្តថៃ បើទោះបីតារាប្រុសរូបនេះមិនដែលបានគ្រងដំណែងតួអង្គឯក ដោយបានប៉ះត្រឹមតែតួអង្គរងក្តី ប៉ុន្តែការសម្តែងរបស់លោកពិតជាបានទាក់ចិត្ត ទាក់អារម្មណ៍ អ្នកគាំទ្រខ្លាំងណាស់ តាមរយៈរឿងភាគល្បីៗជាច្រើនកន្លងមកនោះ។
បើងាកមកមើលពីជីវិតផ្ទាល់ខ្លួនរបស់តារាប្រុស Deaw Suriyont មកទល់នឹងពេលនេះ គឺគេមានអាយុចូលខ្ទង់ ៤០ ឆ្នាំហើយ តែបើនិយាយដល់រូបរាង និង ភាពសង្ហាវិញ តារាប្រុសរូបនេះសឹងស៊ីដាច់តារាប្រុសដែលជាតួឯកមួយចំនួនទៅទៀត។ ម្យ៉ាងវិញទៀត តាមរយៈភាពស្រស់សង្ហា មិនចេះចាស់តាមវ័យនេះដែរ តារាប្រុស Deaw Suriyont ក៏កំពុងធ្វើឱ្យអ្នកគាំទ្រនារីៗរំជើបរំជួលបេះដូង និង លង់ស្នេហ៍មិនស្ទើរទេ តែយ៉ាងណាតារាប្រុសរូបនេះមិនបានមានបេះដូងនៅទំនេរដែរ ដោយរូបគេមានម្ចាស់ចិត្តរួចហើយ គឺជានារីក្រៅសិល្បៈមានអាយុប្អូនដល់ទៅ ៨-៩ ឆ្នាំ ដែលពេលនេះក៏កំពុងតែមើលចិត្តគ្នា មុនឈានដល់ការរៀបការ។
យ៉ាងណាមិញ ថ្ងៃនេះដែរយើងនឹងលើបង្ហាញពីភាពស្រស់សង្ហា និង មិនចេះចាស់តាមវ័យរបស់តារាប្រុស Deaw Suriyont ពេលដោះអាវសម្ញែងសាច់ដុំកង់ៗ ដែលអ្នកគាំទ្រនារីៗឃើញរំជួលបេះដូងនោះ៖
