ខំធ្វើការ ស្ទើរមិនហ៊ានសម្រាក តែទីបំផុត Kem អាចសម្រេចបំណង ធ្វើឱ្យម្តាយសែនរំភើបចិត្ត
លោក Kem Hussawee គឺជាតារាប្រុសពន្លកថ្មីម្នាក់ ដែលទើបតែចូលសម្ដែងនៅស្ថានីយទូរទស្សន៍ប៉ុស្តិ៍លេខ ៧ ថៃ។ ទោះបីជាតារាពន្លកថ្មីមែនតែ គេសង្កេតឃើញតារាប្រុសរូបសង្ហា Kem កំពុងតែទទួលបានការចាប់អារម្មណ៍ និង គាំទ្រខ្លាំងពីសំណាក់មហាជនក្នុង និង ក្រៅស្រុក។
ប្រឡូកចូលក្នុងសិល្បៈមករយៈពេល ៦ ឆ្នាំ តារាប្រុស Kem បានសាងកេរ្តិ៍ឈ្មោះ និង ប្រជាប្រិយភាពរបស់ខ្លួនយ៉ាងខ្ទរខ្ទារពេញប្រទេស។ តារាប្រុស Kem មានដើមកំណើតចេញពីខេត្ត ប៊ឹងកាន តាំងតែចូលសិល្បៈ Kem តែងបានប្រឹងវិវត្តន៍ខ្លួន និង ពង្រឹងសមត្ថភាពផ្នែកសិល្បៈរហូតក្លាយ Superstar មួយរូបប្រចាំស្ថានីយទូរទស្សន៍ប៉ុស្តិ៍លេខ ៧ ថៃ។
មកទល់នឹងពេលនេះ គេឃើញថាជីវិតតារាប្រុស Kem ហាក់កាន់តែទទួលបានជោគជ័យជាលំដាប់ ដែលនាំឱ្យតារាប្រុសរូបនេះរស់នៅលើជីវិតហាយសូរស៊ីវីល័យឡើង។ តួយ៉ាងថ្មីៗ នេះ មហាជនហាក់មានសេចក្ដីរំភើបចិត្ត ក៏ដូចជាលាន់មាត់សរសើរចំពោះ តារាប្រុស Kem បន្ទាប់នៅសុខៗ ចេញមកបង្ហាញរថយន្តថ្មីសន្លាងមួយគ្រឿង ដែលជាញើសឈាមរបស់លោកផ្ទាល់ ដោយប្រឹងប្រែងធ្វើការយប់ថ្ងៃទម្រាំអាចសន្សំលុយទិញបាន។
ជាមួយនឹងការបើកបង្ហាញឡានថ្មីនេះ សម្រាប់មហាជនហាក់សម្ដែងការត្រេកអរជាខ្លាំងទៅកាន់លោក ជាពិសេសបើងាកទៅមើលម្ដាយតារាប្រុសរូបនេះ វិញ ញញឹមបិទមាត់មិនជិត ខណៈដែលកូនប្រុសអាចសម្រេចនូវគោលបំណងរបស់ខ្លួន៕
