Tre Porapat ប្រកាសច្បាស់ៗពីស្ថានភាពបេះដូង ក្រោយប្រឡូកសិល្បៈបានជាង ៥ ឆ្នាំ

Tre Porapat តារាសម្តែងប្រុសរូបសង្ហា វ័យ ២៧ ឆ្នាំ ដែលមានកម្ពស់ខ្ពស់ស្រឡះដល់ទៅ ១.៨៦ ម៉ែត្រ មានស្នាដៃរឿងល្បីៗគួរឱ្យកត់សម្គាល់។

តារាប្រុសចំណូលថ្មីរូបនេះ ហាក់កំពុងទទួលបានការចាប់អារម្មណ៍ខ្ពស់ពីសំណាក់អ្នកគាំទ្រ ជាពិសេសហ្វេនៗនារី ព្រោះតែមានមុខមាត់ស្រស់សង្ហា និងរូបរាងមានសាច់ដុំកង់ៗ។

យ៉ាងណាមិញ ក្រោយប្រឡូកសិល្បៈអស់ជាង ៥ ឆ្នាំ Tre ដាច់ចិត្តទម្លាយពីស្ថានភាពបេះដូង ដោយឥតលាក់លៀមថា៖ «ខ្ញុំសារភាពថា ខ្ញុំមានម្ចាស់បេះដូងហើយ ដោយគាត់ជាមនុស្សស្រីម្នាក់នៅក្រៅសង្គមសិល្បៈ។ ខ្ញុំមិនអាចបង្ហាញមុខគាត់ជាសាធារណៈបានទេ ព្រោះគោរពសិទ្ធផ្ទាល់ខ្លួនរបស់គាត់»។

«បើសួរថាគាត់ប្រចណ្ឌ ឬ យល់ពីការងារសិល្បៈទេ គាត់ធ្លាប់ប្រាប់ថាគាត់យល់ ព្រោះវាជាការងាររបស់ខ្ញុំ។ អ៊ីចឹងគាត់មិនបានប្រកាន់ច្រើនទេ។ ចំណែកឯ គម្រោងរៀបការវិញ គឺមិនទាន់បានគិតដល់នោះឡើយ ព្រោះចង់ផ្តោតលើការងារសម្តែងដែលខ្ញុំស្រលាញ់ និង ចង់ធ្វើជាមុនសិន»៕

ប្រភព៖ Teenee