ផ្អាកជាង ៦ ឆ្នាំ! សង្ស័យ Cherry ត្រៀមចូលសម្តែងវិញ ក្រោយបង្ហាញដំរួយច្បាស់ៗនេះ

ជឿជាក់ថាប្រិយមិត្តដែលនិយមតាមដានរឿងភាគថៃ ភាគច្រើនប្រហែលជាអាចនៅចាំបាន តារាស្រីជើងចាស់ Cherry Khemupsorn ដែលជាតារាសម្តែងមានសម្រស់ស្រស់ស្អាត មានប្រជាប្រិយ និងមានស្នាដៃរឿងល្បីៗជាច្រើន។

យ៉ាងណាមិញ នៅចុងឆ្នាំ ២០១៥ តារាស្រីរូបនេះ ហាក់ឃ្លាតឆ្ងាយពីការសម្តែងរឿងភាគផ្សេងៗ ក្រោយនាងចូលបម្រើការក្នុងផ្នែកការពារបរិស្ថាន នៅស្ថាប័នមួយក្នុងប្រទេសថៃ។

ក្រោយផ្អាកអស់ជាង ៦ ឆ្នាំ ពេលនេះគេសង្ស័យថាតារាស្រីរូបនេះ ចង់វិលត្រឡប់មកសម្តែងវិញ ដោយ Cherry បានបង្ហើបថា ៖ «មានសាច់រឿងខ្លះ ដែលបងៗអ្នកដឹកនាំស្នើមកឱ្យ អានហើយក៏មានអារម្មណ៍ថាចាប់អារម្មណ៍ ហើយក៏មានអារម្មណ៍ជ្រួលច្រាលដូចចង់សម្តែងវិញ ដូចជាចង់ត្រលប់មកធ្វើការសម្តែងវិញ»។

«ហើយពេលខ្លះសឹងតែមិនជឿថា ខ្ញុំអានសាច់រឿងនោះហើយចាប់អារម្មណ៍ខ្លាំង រហូតមានអារម្មណ៍នឹកការសម្តែងខ្លាំង ព្រោះតែវាជាសាច់រឿងថ្មីប្លែក ដែលខ្ញុំមិនធ្លាប់សម្តែងរឿងប្រភេទនេះ ពីមុនមកសោះឡើយ តែខ្ញុំសុំលម្អិតគ្រប់យ៉ាងនៅពេលក្រោយ សុំគិត និងពិភាក្សាជាមុនសិនមុនប្រកាសជាផ្លូវការថាចូលសម្តែងវិញ»៕

ប្រភព៖ Teenee