ក្តីសុខណាស់! Sririta និង ស្វាមី ដឹកដៃកូនមកលេងសមុទ្រលើកនេះ ឆ្លៀតបង្អួតរាងសិចស៊ីទាំងគូ
តារាស្រី Sririta Jensen និង ស្វាមី លោក Korn Narongdej បានក្លាយជាគ្រួសារមួយដែលកាន់តែពោរពេញដោយភាពកក់ក្តៅ និង មានពណ៌ស្រស់បំព្រងមួយកម្រិតទៀត ក្រោយពីមានវត្តមានរបស់កូនប្រុស អូន Gavin បានចូលមកនោះ។
យ៉ាងណាមិញ មួយរយៈក្រោយនេះ គេសង្កេតឃើញថា ស្វាមីភរិយាទាំងគូនេះ ហាក់មានសកម្មភាពផ្អែមល្ហែមជាមួយគ្នាជាច្រើន ដែលធ្វើឱ្យមហាជនអ្នកគាំទ្រច្រណែនមិនស្ទើរនោះទេ។ ជាពិសេសថ្មីៗនេះ គេក៏បានឃើញ Sririta និង ស្វាមី ជាមួយនឹងកូនប្រុសសំណព្វ Gavin បានប្រើប្រាស់ពេលវេលាឈប់សម្រាករបស់ខ្លួន នៅលម្ហែកាយនៅសមុទ្រយ៉ាងសប្បាយរីករាយទៀតហើយ។
ក្នុងនោះ តារាស្រី Sririta បានបង្ហោះរូបភាពជាច្រើនសន្លឹក នៅតាមបណ្តាញ IG ដែលបង្ហាញឱ្យឃើញសកម្មភាពគ្រួសាររបស់ខ្លួន បានបណ្តើរគ្នាលេងយ៉ាងក្អាកក្អាយនៅតាមឆ្នេរសមុទ្រ ជាពិសេសគឺអូន Gavin ពិតជាគួរឱ្យស្រឡាញ់ណាស់ ពេលដែលបានមកស្គាល់ធម្មជាតិបែបនេះ។
អ្វីដែលរឹតតែធ្វើឱ្យគេចាប់អារម្មណ៍ទៀតនោះ គឺលោកប៉ាអ្នកម៉ាក់វ័យក្មេងទាំងពីរ បាននាំគ្នាលែងខ្លួន បង្អួតរាងមួយទំហឹង ដោយ Sririta ក្នុងឈុតសិចស៊ី ឃើញរាងល្វត់ល្វន់ ចំណែក Korn ជាស្វាមី បានចំហល្វែងលើ បង្ហាញឱ្យឃើញសាច់សខ្ចី ជាមួយនឹងមាឌធំឌាំងតែម្តង។
យ៉ាងណាមិញ មហាជនអ្នកគាំទ្រពិតជាសរសើរមិនដាច់ពីមាត់ឡើយថា អ្នកទាំងពិតជាស័ក្តិសមគ្នាណាស់ ក្រៅពីនេះគេក៏នឹងចាំសកម្មភាពគ្រួសាររបស់ពួកគេទៀតផងដែរ ព្រោះមើលទៅពិតជារំជួលចិត្តកក់ក្តៅម្យ៉ាង៕
