អ្នកគាំទ្រញាប់ញ័រពេញបេះដូង ពេលឃើញ Mr. Grand Cambodia ព្រលយរូបញាក់សាច់ប៉ុន្មានសន្លឹក
សល់ពេលមិនយូរប៉ុន្មានទៀតនោះទេ ដោយឆាប់ៗនេះ លោក យូ ថនវណ្ណៈ ដែលជាបេក្ខភាព Mr. Grand Cambodia នឹងត្រូវធ្វើដំណើរទៅចូលរួមប្រកួតក្នុងកម្មវិធី Mr. Grand International នៅប្រទេសព័រតូរីកូហើយ។
ជាមួយគ្នានោះ ក្រោយពីទទួលបានតំណែងជាបុរសឯកតំណាងប្រទេសកម្ពុជាក្នុង កម្មវិធី Mr. Grand International គេឃើញថាបេក្ខភាពរូបនេះតែងបានបង្ហាញនូវភាពលេចធ្លោរបស់ខ្លួនមករហូតតាមរយៈការដើរម៉ូដ និង សម្ដែង ជាដើម។
តួយ៉ាងថ្មីៗ នេះហាក់ធ្វើឱ្យមហាជនអ្នកគាំទ្រទប់អារម្មណ៍មិនចង់បាន ខណៈដែលឃើញបុរសឯកកម្ពុជារូបនេះបានចេញមកបង្ហោះរូបភាពសិចស៊ី បញ្ចេញសាច់ធំៗ កង់ និង រាងសង្ហាខ្ពស់ស្រឡះលើគណនីហ្វេសប៊ុករបស់ខ្លួន។ ក្រោយពីចេញមកបង្ហោះរូបភាពប៉ុន្មានសន្លឹកនោះមក គេឃើញថាមានអ្នកគាំទ្រជាច្រើនបានចូលបញ្ចេញមតិអួតសរសើរចំពោះរូបសម្រស់បេក្ខភាពរូបនេះគ្រប់ៗគ្នា។
យ៉ាងណាមិញ សម្រាប់បេក្ខភាពរូបនេះ ហាក់ធ្វើឱ្យមហាជនមានក្ដីសង្ឃឹមខ្ពស់ណាស់ថា រូបគេនឹងអាចនាំជ័យលាភីជូនកម្ពុជាបាន ដោយហេតុថាមិនត្រឹមតែមានរូបសម្រស់ស្រស់សង្ហា លោក យូ ថនវណ្ណៈ ក៏ជាបេក្ខភាពមួយដែលមានសមត្ថភាពមិនធម្មតានោះដែរ។
គួរឱ្យដឹងដែរថា បេក្ខភាពបុរសឯកកម្ពុជារូបនេះ អាចប្រើប្រាស់ភាសាបានទៅដល់ ៤ ឯណោះ រួមមាន ខ្មែរ ថៃ ចិន និង អង់គ្លេស ហើយរូបគេក៏ជាតារាបង្ហាញម៉ូដពេញដោយទេពកោលស្យទៀត ដែលទាំងអស់នេះហើយពិតជាទុនមួយដ៏សំខាន់ក្នុងការនាំឱ្យរូបគេអាចដណ្ដើមយកជ័យជម្នះជូនកម្ពុជា៕
