អង្រួនបេះដូងហ្វេនទៀតហើយ! រឿន ណាត រំលេចខ្លួនក្នុងឈុតមួយនេះ ស្អាតជាប់ចិត្តខ្លាំង

អតីតបវរកញ្ញាចក្រវាលកម្ពុជា ឆ្នាំ ២០១៨ កញ្ញា រឿន ណាត បច្ចុប្បន្ននេះ មិនត្រឹមតែទទួលបានការចាប់អារម្មណ៍ និង សរសើរខ្លាំងពីមហាជនជាមួយនឹងសមត្ថភាព ទេពកោសល្យជាច្រើនក្នុងវិស័យសិល្បៈនោះទេ រីឯរូបសម្រស់របស់នាង សព្វថ្ងៃកាន់តែលេចធ្លោខ្លាំង តែងអង្រួនចិត្តអ្នកគាំទ្រជាមួយនឹងរូបភាពលេងស្ទីលប្លែកៗ បង្ហោះលើបណ្ដាញសង្គមហ្វេសប៊ុករបស់នាងជាហូរហែ។

ពិតណាស់ អតីតបរវកញ្ញារូបនេះ មិនដែលឱ្យសាំភ្នែកទស្សនិកជន និង ប្រិយមិត្តអ្នកគាំទ្រឡើយ រាល់ការលេងស្ទីលតែងខ្លួនរបស់នាង សុទ្ធតែមានភាពស្រស់ស្អាត និង ទាក់ភ្នែកមហាជនទាំងអស់។

ជាក់ស្ដែងថ្មីៗនេះ កាន់តែប្លែកទៀតហើយ ជាមួយនឹងការបញ្ចេញរូបភាពស្ទីលថ្មីប៉ុន្មានសន្លឹករបស់តារាស្រីរូបនេះ ដែលឃើញថានាងបានធ្វើការតុបតែងខ្លួនគ្រងឈុតពណ៌សរំលេចអង្កាំរុំដោយស្បៃរោមសត្វជះសម្រស់លេចធ្លោខ្លាំង ជាមួយនឹងការថតរូបលេងទឹកមុខយ៉ាងជឿជាក់បង្អួតរាងបង្ហាញសម្រស់យ៉ាងស្អាតទាក់ទាញជាប់ចិត្តតែម្ដង។

រូបភាពទាំងនេះដែរ កំពុងតែឆក់យកបេះដូងអ្នកលេងបណ្ដាញសង្គមជាច្រើន ជាពិសេសអ្នកគាំទ្ររបស់បវរកញ្ញារូបនេះ ព្រមទាំងបានធ្វើស៊ែរចាយរំលែកបន្តគ្នាយ៉ាងច្រើន អមជាមួយនឹងពាក្យពេចន៍សរសើរមិនដាច់ពីមាត់នោះទេ៕