ច្បាស់ហើយ! មូលហេតុលម្អិតក្នុងហេតុការណ៍តក់ស្លុ-.ត របស់ឪពុកម្តាយ សុវត្ថិឌី ធារិកា
កាលពីថ្ងៃទី ១៧ ខែឧសភា ឆ្នាំ ២០២២ កន្លងទៅនេះ មហាជន និង បណ្តាអ្នកសិល្បៈបានរន្ធត់ចិត្ត ស្រណោះស្រណោកយ៉ាងខ្លាំង បន្ទាប់ពីទទួលបានដំណឹងថា តារាចម្រៀងស្រី សុវត្ថិឌី ធារិកា បានបាត់បង់ជីវិតឪពុកម្តាយជាទីស្រឡាញ់ព្រមគ្នា ក្នុងឧប្បត្តិហេតុគ្រោះថ្នាក់ក្រឡាប់ឡាន ពេលធ្វើដំណើរត្រឡប់ពីខេត្តព្រះវិហារ ស្ថិតនៅត្រង់ចំណុចភូមិកំពង់ស្រឡៅ ឃុំកំពង់ស្រឡៅ ១ ក្នុងស្រុកឆែប។
យ៉ាងណាមិញ រហូតមកដល់ថ្ងៃទី ២៨ ខែឧសភា ឆ្នាំ២០២២ នៅលើបណ្តាញសង្គមរបស់ តារាចម្រៀងប្រុស អ៊ាម វន្នី បានបង្ហោះរៀបរាប់លម្អិតអំពីមូលហេតុនៃគ្រោះថ្នាក់មួយនេះថា៖ «តាមការផ្តល់ដំណឹងពីរដ្ឋបាលខេត្តព្រះវិហារបានឱ្យដឹងថា រថយន្តបែកកង់មុខផ្នែកខាងស្តាំពេលកំពុងបើកបរ ទើបធ្វើឱ្យទាញចង្កូតទៅស្តាំក្រឡាប់ធ្លាក់ប្រឡាយរហូតដល់មានគ្រោះថ្នាក់ដល់ជីវិត។ ពិតជាគួរឱ្យសោកស្តាយខ្លាំងណាស់ ចឹងបានខ្ញុំឆ្ងល់ថាហេតុអ្វីដានកង់ឡានគាត់បើកត្រូវគន្លងផ្លូវល្អណាស់ តែសុខៗ ស្រាប់តែឃើញស្នាមកាច់ចង្កូតទៅស្តាំសឹងតែ ៩០ដឺក្រេទៅវិញ»។
ក្នុងឧប្បត្តិហេតុគ្រោះថ្នាក់ក្រឡាប់ឡានបណ្តាលឱ្យឪពុកម្តាយតារាចម្រៀង សុវត្ថឌី ធារិកា បាត់បងជីវិតនេះដែរ បានធ្វើឱ្យបានធ្វើឱ្យមហាជនជាច្រើន ក្តុកក្តួលអួលណែន ខ្លោចផ្សាចិត្ត និង សម្តែងការសោកស្តាយជាពន់ពេកដល់នាងជាខ្លាំង ព្រោះថាត្រឹមរយៈពេលមួយប៉ប្រិចភ្នែកសោះ មនុស្សជាទីស្រឡាញ់ដល់ទៅពីររូប បានចាកចេញទៅព្រមគ្នាគ្មានថ្ងៃនឹងវិលត្រឡប់៕
