(វីដេអូ) ចេះដើរភ្លាម Gavin ឆ្លៀតជួយឪពុកភ្លែត ដើម្បីពញ្ញាក់អារម្មណ៍ម្តាយនៅថ្ងៃពិសេសនេះ
ដូចដែលប្រិយមិត្តភាគច្រើនបានស្គាល់ច្បាស់ហើយ Sririta Jensen តារាស្រីថៃ ដែលមានសំណាងកើតមកមានរូបសម្រស់ស្រស់ស្អាត មានកេរ្តិ៍ឈ្មោះល្បី ថែមទាំងមានស្វាមីហាយសូរមានលុយវាល់លាន និងមានកូនប្រុសគួរឱ្យស្រលាញ់ឈ្មោះថា Gavin។
បច្ចុប្បន្ននេះ Gavin កូនប្រុសទោលរបស់ Sririta និងហាយសូរ Korn មានអាយុ ១ ខួបជាងហើយ ដោយចាប់ផ្តើមចេះដើរតេះតោះ ហើយក៏រពិស និងឆ្លាតគួរឱ្យស្រលាញ់ណាស់។
ថ្មីៗនេះដែរ ប្អូន Gavin បានឆក់យកចិត្តអ្នកគាំទ្រ ក្រោយបែកធ្លាយវីដេអូដ៏ឃ្យូត ដែលបង្ហាញសកម្មភាពរបស់ Gavin ជួយរុញរទេះបាច់ផ្កាកុលាប-ស ដែលជាកាដូលោកឪពុក Korn ត្រៀមពញ្ញាក់អារម្មណ៍អ្នកម្តាយ Sririta ក្នុងថ្ងៃខួបអនុស្សាវរីយ៍ ៦ ឆ្នាំ។
កាយវិការដ៏គួរឱ្យគ្រឺតខ្នាញ់របស់ប្អូន Gavin ដែលរុញរទេះបាច់ផ្កា ធំជាងមាឌខ្លួនឯងដល់ទៅ ២ ដងនោះ បានធ្វើឱ្យមហាជនលាន់មាត់សរសើរ ពេញបណ្តាញសង្គមតែម្តង។
