(វីដេអូ) ខួបគូស្នេហ៍ឆ្នាំនេះ Tong Tong លេងឈុតធំ រៀបចំយ៉ាងអធិកអធម រហូត Best លាន់មាត់បែបនេះ
Tong Tong The Star តារាប្រុសដែលមានរូបសង្ហា មានមុខមាត់ស្រស់ស្អាត កំពុងទទួលបានប្រជាប្រិយភាពខ្ពស់លើអាជីពសម្តែង និងមានស្នាដៃរឿងថ្មីៗជាច្រើនដែលកំពុងទទួលបានការចាប់អារម្មណ៍។
ក្រោយបង្ហាញចំណងស្នេហ៍ជាមួយតារាស្រី Best គេសង្កេតឃើញថា តារាប្រុសរូបនេះ គឺជាបុរសដែលពោរពេញដោយភាពផ្អែមល្ហែម ជាពិសេសមានរឿងធ្វើឱ្យគូស្នេហ៍ភ្ញាក់ផ្អើលជានិច្ច មិនថាជាខួបអនុស្សាវរីយ៍ ឬកម្មវិធីថ្ងៃនៃក្តីស្រឡាញ់នោះឡើយ។
យ៉ាងណាមិញ ថ្មីៗនេះដែរ ក្នុងឱកាសឆ្លងខួបកំណើតគូស្នេហ៍ TongTong លេងឈុតធំ ដោយចាត់រៀបពិធីយ៉ាងអធិកអធម ហើយមានអញ្ជើញ អ្នកគាំទ្រជាច្រើនចូលរួម ក្នុងការពញ្ញាក់អារម្មណ៍ Best ផងដែរ។
ដោយក្នុងកម្មវិធីនោះ Tong Tong បានចងភ្នែក Best ហើយឱ្យនាងដើរចូលឆាកដែលមានរូបរាងជាប្រអប់កាដូ រៀបចំយ៉ាងស្រស់ស្អាត ហើយរ៉ូមែនទិក។ អ្វីដែលកាន់តែភ្ញាក់ផ្អើលដល់ថ្នាក់ Best លោតស្រែកទប់អារម្មណ៍មិនជាប់ គឺនៅពេលដកផ្ទាំងឆាកមួយចេញ ហើយលេចចេញវត្តមានរបស់ហ្វេនក្លឹបជាច្រើនកំពុងរង់ចាំ ជាមួយការ Surprise ខួបកំណើតយ៉ាងសប្បាយរីករាយ។
Best បានពោលបែបនេះនៅលើគណនី IG ថា៖ «Big Surprise! អរគុណបង Tong Tong មិត្តៗ ហ្វេនក្លឹប និងក្រុមការងារគ្រប់គ្នា អរគុណអ្នកគ្នាខ្លាំងណាស់ ខ្ញុំភ្ញាក់ផ្អើលខ្លាំងមែនទែន! ត្រូវគេបិទភ្នែកតាំងពីចេញពីហាងកាហ្វេមករហូត មិនដឹងទៅណា សុខៗ បើកភ្នែកមកក៏ឃើញខ្លួនឯងនៅក្នុងបន្ទប់ពណ៌លឿង លុះបើកជញ្ជាំងចេញមកទៀត ស្រាប់តែឃើញអ្នករាល់គ្នាថែមទៀត! អារម្មណ៍រំភើបខ្លាំងនិយាយចេញយ៉ាងណាក៏មិនអស់ រង់ចាំមើលឃ្លីបនាល្ងាចនេះទាំងអស់គ្នាចាស៎»៕
