ភ្លេចត្រចៀក មាស សម្ផស្ស មានកូនស្រីធំទន្ទឹមខ្លួន ទាំងស្រស់ស្អាត ទាំងកតញ្ញូចំពោះម្ដាយ

តារាសម្ដែងចាស់វស្សា អ្នកនាង មាស សម្ផស្ស កន្លងមកធ្លាប់បង្ហាញមុខក្នុងខ្សែភាពយន្ត ក៏ដូចជាវីដេអូចម្រៀងខារ៉ាអូខេជាច្រើន ដែលសុទ្ធសឹងតែទទួលបានការគាំទ្រពីសំណាក់ទស្សនិកជន ព្រោះតែទេពកោសល្យផ្នែកសិល្បៈដ៏ប៉ិនប្រសប់ បូករួមទាំងរូបសម្រស់ដែលគួរឱ្យគយគន់មិនចេះជិនណាយរបស់នាង។

យ៉ាងណាមិញប៉ុន្មានឆ្នាំចុងក្រោយនេះ មាស សម្ផស្ស ហាក់កាន់តែឃ្លាតឆ្ងាយពីវិស័យសិល្បៈទៅៗ ធ្វើឱ្យមហាជននឹករឭកដល់កាយវិការសម្ដែងរបស់នាងជាខ្លាំង។ ទោះជាបែបនេះ មាស សម្ផស្ស មិនបានបាត់មុខពីក្រសែភ្នែកទស្សនិកជនទាំងស្រុងនោះទេ ពោលគឺនាងនៅតែបន្តបង្ហាញមុខនៅលើបណ្ដាញសង្គម តាមរយៈការបង្ហោះរូបថតស្ដែងពីការរស់នៅប្រចាំថ្ងៃរបស់នាងជារឿយៗ។

រឿងដែលធ្វើឱ្យមហាជនភ្ញាក់ផ្អើលបំផុតនោះគឺ ភ្លេចៗត្រចៀក មាស សម្ផស្ស មានកូនស្រីធំពេញរូបពេញរាង ជាយុវវ័យដ៏ស្រស់ស្អាត មុខមាត់កំប្លង់ៗ ពណ៌សម្បុរទៀតសោតក៏សភ្លឺថ្លា ពោលគឺសម្រស់មិនឆ្ងាយពីម្ដាយប៉ុន្មានទេ។ ជាពិសេសបើតាមការបង្ហើបពីអ្នកនាង មាស សម្ផស្ស ផ្ទាល់ កូនស្រីនាងម្នាក់នេះថ្វីដ្បិតតែនៅក្មេង ប៉ុន្ដែមានចិត្តគំនិតចាស់ទុំ ចេះគិត ដឹងសុខទុក្ខម្ដាយខ្លាំងណាស់ គឺជាកូនកតញ្ញូម្នាក់៕