វីដេអូរបស់ ឱក សុគន្ធកញ្ញា កាលនៅវ័យ ១៧ ឆ្នាំកំពុងផ្ទុះការចាប់អារម្មណ៍ខ្លាំង
មហាជនអ្នកគាំទ្ររបស់ កំពូលតារាចម្រៀងស្រី ឱក សុគន្ធកញ្ញា សុទ្ធសឹងតែបានជា្របហើយថា អ្នកនាង ជាតារាស្រីចាស់វស្សាម្នាក់ដែលចូលប្រឡូកក្នុងវិស័យសិល្បៈប្រមាណជាង ២០ មកហើយ ពោលគឺអ្នកនាងចាប់ផ្ដើមឈានជើងចូលវិស័យចម្រៀងដំបូងនៅអំឡុងឆ្នាំ ១៩៩៩ គឺតាំងពីវ័យ ១២ ឆ្នាំមកម្ល៉េះ។
ដោយឡែកថ្មីៗនេះ មហាជនលើបណ្ដាញសង្គមកំពុងផ្ទុះការចែករំលែកខ្លាំងបន្ទាប់ពីបានឃើញវីដេអូមួយដ៏កម្ររបស់ កំពូលតារាចម្រៀងស្រីរូបនេះ ដែលជាវីដេអូអ្នកនាងឡើងឆាកប្រគុំតន្រ្តីកាលពីវ័យ ១៧ ឆ្នាំ ដែលពេលនោះកំពុងចាប់ផ្ដើមទទួលបានប្រជាប្រិយភាពខ្លាំងផងដែរ។ ក្នុងនោះ ឃើញថា អ្នកនាង ឱក សុគន្ធកញ្ញា នៅកាលពីវ័យនោះ មានភាពខុសគ្នាខ្លាំង ទាំងស្ទីលលេងខ្លួន ការនិយាយស្ដី និងការបកសា្រយចម្រៀង ដែលពិតគួរឱ្យចាប់អារម្មណ៍ខ្លាំង។
វីដេអូនេះដែរ កំពុងត្រូវបានអ្នកគាំទ្ររបស់ កំពូលតារាចម្រៀងស្រីរូបនេះ បានធ្វើការកាត់តបង្ហោះលើបណ្ដាញសង្គម TikTok និងហ្វេសប៊ុកជាបន្តបន្ទាប់ផងដែរ៕
