ស្ងាត់ៗ Bank Thiti នាំសង្សារបណ្ដូលចិត្ត ហោះទៅប្រទេសអូស្ត្រាលី ដើម្បីធ្វើរឿងទាំងនេះ

ជឿជាក់ថា ប្រិយមិត្តយើងច្បាស់ជាស្គាល់ជាក់ជាពុំខានពី តារាសម្តែងរូបសង្ហា និង ជាកូនសេដ្ឋីលំដាប់ប្រទេសថៃ លោក Bank Thiti ដែលជាបុរសមានមន្តស្នេហ៍ នារីៗណាបានឃើញហើយ លង់ចិត្តស្ទើរតែដកពុំរួច។ មិនត្រឹមតែមានរូបសម្បត្តិស្រស់សង្ហា តារាប្រុសរូបនេះ ក៏មានសមត្ថភាពសិល្បៈខ្ពស់ ព្រមទាំងមានការគាំទ្រខ្លាំងពីសំណាក់មហាជនទាំងក្នុង និង ក្រៅប្រទេស។

យ៉ាងណាមិញ មួយរយៈមុន តារាប្រុស Bank ទើបតែប្រកាសជាផ្លូវការថា ខ្លួនកំពុងតែបង្កាត់ភ្លើងស្នេហ៍ជាមួយនឹងតារាហ្វេសប៊ុក Net Idol ម្នាក់ឈ្មោះថា Pimtha។ ទោះបីជាបានបើកបង្ហាញពីទំនាក់ទំនងស្នេហាជាផ្លូវការក៏ដោយ តែមួយគូស្នេហ៍មួយគូនេះហាក់ពុំសូវជាបានបង្ហាញភាពផ្អែមល្ហែមលើបណ្ដាញសង្គមប៉ុន្មានទេ។

ដោយឡែក ស្រាប់តែថ្មីៗនេះ តារាប្រុសរូបសង្ហា Bank បានធ្វើឱ្យមហាជនរំភើបចិត្តជាខ្លាំង ដោយលោកបាននាំសង្សាររបស់ខ្លួនធ្វើដំណើរទៅប្រទេសអូស្ត្រាលី ដើម្បីសាងភាពផ្អែមល្ហែមជាមួយគ្នា ថតរូបស្អាតៗ មើលទៅពិតជាមានក្ដីសុខខ្លាំងៗតែម្ដង៕