អ្នកគាំទ្រលាន់មាត់ ពេលឃើញមុខមាត់ថ្មីរបស់ Golf ក្រោយពេលទៅកែសម្ផស្សនៅកូរ៉េ

ជឿជាក់ថាប្រិយមិត្តដែលនិយមតាមដានរឿងភាគថៃ ភាគច្រើនមុខជាធ្លាប់បានស្គាល់តារាប្រុស Golf Benjaphon ដែលជាតារាពហុជំនាញ អាចសម្តែង កំប្លែង ពិធីករ និងច្រៀង។

កាលពីថ្មីៗនេះ Golf បានធ្វើឱ្យអ្នកគាំទ្រភ្ញាក់ផ្អើលជាខ្លាំង ក្រោយរូបលោកបានបង្ហាញសម្រស់ មុខមាត់ថ្មី បន្ទាប់ពីទៅកែសម្ផស្សនៅឯប្រទេសកូរ៉េ។

មុខមាត់ថ្មីរបស់ Golf ត្រូវបានមហាជនបញ្ចេញមតិសរសើរថា ប្លែក ស្អាត ប្រៀបដូចជាអុបប៉ាកូរ៉េ និងសង្ហាជាងពីមុនមើលសឹងមិនស្គាល់។

Golf បានបញ្ជាក់ឱ្យដឹងដែរថា៖ «លោកបានពិភាក្សាអស់ជាង ២ ឆ្នាំ មុននឹងសម្រេចចិត្តមកធ្វើការកែសម្ផស្សនេះ ហើយលោកក៏មិនមានការស្តាយក្រោយអ្វីនោះដែរ ព្រោះតែលោកពេញចិត្តនឹងលទ្ធផលដែលចេញមក»៕