Gubgib លេងមួយអស់ដៃ ផ្អើលអស់អ្នកគាំទ្រ ក្នុងថ្ងៃកំណើតមិត្តសម្លាញ់ Due

រំលឹកដល់មិត្តភាពយូរអង្វែង មហាជនប្រាកដជានឹកឃើញដល់ឈ្មោះតារាស្រី Due Arisara និង តារាស្រី Gubgib ភ្លាម ព្រោះអ្នកទាំងពីរ មិនត្រឹមតែជាមិត្តរួមអាជីពជាមួយគ្នានោះទេ តែអ្នកទាំងពីរក៏ជាមិត្តសម្លាញ់នឹងគ្នាដែរ ពោលគឺជិត ២០ ឆ្នាំទៅហើយដែលអ្នកទាំងពីររាប់អានគ្នា។

បើទោះបីជាពេលនេះអ្នកទាំងពីរមានគ្រួសាររៀងៗខ្លួនហើយក៏ដោយ តែសម្រាប់មិត្តភាព និង ទំនាក់ទំនងហាក់មិនប្រែប្រួលឡើយ នៅតែអាចជួបជុំ និង ស្រឡាញ់គ្នាដូចដើម។

តួយ៉ាង នៅថ្ងៃទី ១៥ ខែមិថុនា ឆ្នាំ ២០២២ កន្លងទៅ ដែលត្រូវជាថ្ងៃកំណើតរបស់តារាស្រី Due Arisara តែម្តង ឃើញថាបើទោះបីជារស់នៅឆ្ងាយគ្នាក៏ដោយ តែសម្រាប់ Gubgib ក៏មិនភ្លេចជូនពរដល់មិត្តសម្លាញ់នោះដែរ។

ទន្ទឹមនឹងពាក្យជូនពរនោះដែរ Gubgib ក៏បានបង្ហោះរូបចាស់ៗ កាលពី ១៨ ឆ្នាំមុនជាមួយនឹងមិត្តសម្លាញ់របស់នាង Due Arisara ថែមទៀតផង។ រូបភាពទាំងនេះ បានធ្វើឱ្យមហាជនភ្ញាក់ផ្អើលស្ទើរគ្រប់គ្នា ព្រោះវាជារូបភាពដ៏កម្រណាស់ ដែលអ្នកទាំងពីរលើកយកមកបង្ហោះឱ្យមហាជនបានឃើញ នៅសម័យកាលនេះ៕