ត្រូវគេចោទថាបានល្បីដោយសាររឿង Tangmo ស្រាប់តែ Mo Amena ចេញមុខតបផាំងៗវិញ

មួយរយៈក្រោយមកនេះ តារាស្រី Mo Amena ហាក់មមាញឹកខ្លាំងណាស់ ក្នុងការខ្វែងដៃខ្វែងជើងជួយក្នុងរឿងការស្លាប់របស់ Tangmo ដោយសារតែពួកគេទាំងពីរនាក់ជាមិត្តភក្តិស្និទ្ធស្នាលគ្នាខ្លាំង អាចនិយាយបានថាដូចបងប្អូនស្រីបង្កើតទៅហើយ។

យ៉ាងណាមិញ ថ្មីៗនេះ Mo Amena បានឡើងកម្មវីធីទូរទស្សន៍មិនតិចនោះទេ ការងារសិល្បៈផ្សេងៗក៏ដូចគ្នា ហើយប្រជាប្រិយភាពរបស់នាងក៏ហាក់លោតឡើងមួយកម្រិតទៀតផងដែរ។ ជាមួយគ្នានេះដែរ ស្រាប់ធ្វើមានមហាជនមួយចំនួនគិតថា នាងបានល្បីល្បាញ បានឡើងកម្មវីធីផ្សេងៗសឹងមិនដាច់សព្វថ្ងៃនេះ គឺដោយសារតែរឿងការស្លាបរបស់ Tangmo នោះឯង។

ដោយឡែក ចំណែក Mo ក៏មិនចាំយូរឡើយ នាងក៏បានចេញមុខតបនៅក្នុងកម្មវីធីសម្ភាសកម្សាន្តមួយដូចគ្នា។ នាងបានឱ្យដឹងថា ពីមុនមកនាងធ្លាប់ជាតារាសម្តែងនៅក្រោមបុស្តិ៍លេខ ៧ អស់រយៈពេល ១៥ ឆ្នាំទៅហើយ ធ្វើឱ្យមិនសូវបានទទួលការងារខាងក្រៅនោះទេ តែពេលនេះនាងបានចេញពីបុស្តិ៍ហើយ នាងជាតារាឯករាជ្យ ទើបធ្វើឱ្យនាងទទួលការងារខាងក្រៅផ្សេងៗច្រើនជាងមុន​។

កន្លែងនេះហើយ ដែលធ្វើឱ្យមហាជនមួយចំនួន ក៏គិតថានាងបានល្បី​ បានការងារសិល្បៈចូលមកជារឿយៗ ដោយសារតែនាងបានលូកដៃលូកជើងក្នុងរឿងកន្លងមក តែសម្រាប់នាងគិតថា នាងបែបនេះយូរមកហើយ។

យ៉ាងណាមិញ នាងបានឱ្យដឹងថា ពេលខ្លះនាងក៏ហត់ពិបាកចិត្ត និង អស់សង្ឃឹមដូចគ្នា ដែលត្រូវមានរឿងមានរ៉ាវរហូតបែបនេះ ហើយពេលខ្លះរហូតដល់ថ្នាក់លេងចង់មើលបណ្តាញសង្គមទៀត តែនាងមិនដែលគិតថានឹងបោះបង់ការជួយរឿងក្តីរបស់ Tangmo នោះទេ៕