ស្ងាត់ៗ Best ដឹកដៃ Tong Tong ទៅធ្វើរឿងនេះជាមួយគ្នា
បើរំឭកដល់ទំនាក់ទំនងស្នេហ៍ដែលកំពុងតែទទួលបានប្រជាប្រិយភាពពីសំណាក់មហាជនអ្នកគាំទ្រភ្លាម មហាជននឹកដល់ឈ្មោះតារាស្រីវ័យក្មេង Best និង គូស្នេហ៍រូបសង្ហា Tong Tong ភ្លែត ព្រោះអ្នកទាំងពីរតែងតែលេចមុខផ្អែមល្ហែមនៅលើបណ្តាញសង្គមស្ទើរតែមិនដែលលស់មួយថ្ងៃណាឡើយ។
ពិសេសថ្មីៗនេះតែម្តង ឃើញថាបន្ទាប់ពីបង្ហាញសកម្មភាពស្នេហ៍នៅលើបណ្តាញសង្គមឱ្យមហាជនលួចច្រណែនព្រោងព្រាតហើយនោះ ស្រាប់តែតារាស្រី Best ដឹកដៃគូស្នេហ៍ទៅធ្វើបុណ្យគម្រប់ ១០០ ថ្ងៃ ឱ្យលោកយាយរបស់នាងនៅខេត្ត Chaiyaphum ទៀតផង។
យ៉ាងណាមិញ ចំពោះសកម្មភាពរបស់អ្នកទាំងពីរ មិនថាក្នុងកាលៈទេសៈបែបណាក៏ដោយ ហាក់នៅតែធ្វើឱ្យមហាជនពេញចិត្ត និង លើកសរសើរពីភាពស្និទ្ធស្នាលរបស់គូស្នេហ៍នេះខ្លាំងមិនដាច់ពីមាត់ឡើយ រហូតពួកគេចង់ឃើញគូស្នេហ៍នេះឆាប់មានដំណឹងទៀតផង៕
