![ដើម្បីមិត្តភាព BTS នាំគ្នាសាក់រូបមួយលើខ្លួននៅទីតាំងទាំងនេះ តែឆ្ងល់សមាជិកម្នាក់នេះអត់បង្ហាញនឹងគេ](https://www.popular.com.kh/wp-content/uploads/2022/06/bts-tattoo-friendship១.jpg)
ដើម្បីមិត្តភាព BTS នាំគ្នាសាក់រូបមួយលើខ្លួននៅទីតាំងទាំងនេះ តែឆ្ងល់សមាជិកម្នាក់នេះអត់បង្ហាញនឹងគេ
ក្រុមចម្រៀងបុរសកូរ៉េខាងត្បូង BTS បាន debut កាលពីឆ្នាំ ២០១៣ គិតមកដល់សព្វថ្ងៃនេះ មានរយៈពេល ៩ ឆ្នាំរួចមកហើយ ជាមួយសមាជិកចំនួន ៧ នាក់ ដែលមានដូចជា RM, Jin, Suga, J-Hope, Jimin, V និង Jungkook។
តួយ៉ាង ដូចដែលសមាជិក BTS បានបង្ហាញខ្លួនក្នុងអំឡុងអាហារពេលល្ងាច «BTS FESTA 2022» កាលពីថ្ងៃទី ១៣ ខែមិថុនា ឆ្នាំ ២០២២ កន្លងទៅ សមាជិកក្រុមទាំងអស់ មានគម្រោងនឹងចាក់សាក់ ជាលក្ខណៈមិត្តភាពដើម្បីអបអរសាទរចំណងមិត្តភាពរបស់ពួកគេ។ ស្នាមសាក់នោះ ពួកគេនឹងសាក់ជាលេខ ៧ ដែលមានន័យថា សមាជិក Bangtan (BTS) មានចំនួន ៧ នាក់។
យ៉ាងណាមិញ មកទល់ឥឡូវនេះមានសមាជិក ៦ នាក់រួចមកហើយ ក្នុងចំណោមសមាជិកទាំង ៧ ដែលបានបង្ហាញរូបស្នាមសាក់លើដងខ្លួនរបស់គេ ទៅតាមទីតាំងផ្សេងៗគ្នា ដែលមានដូចជា ៖
– Kim Namjoon (RM) មានទីតាំងស្នាមសាក់ លេខ ៧ នៅលើ-កជើង ខាងស្ដាំ
– Kim Seokjin (Jin) មានទីតាំងស្នាមសាក់ លេខ ៧ នៅលើឆ្អឹងជំនីចង្កេះ ខាងឆ្វេង
– Jung Hoseok (J-Hope) មានទីតាំងស្នាមសាក់ លេខ ៧ នៅលើកែងជើង ខាងក្រោមកំភួនជើងបន្តិច
– Park Jimin (Jimin) មានទីតាំងស្នាមសាក់ លេខ ៧ នៅខាងក្នុងម្រាមដៃចង្អុល ខាងឆ្វេង
– Kim Taehyung (V) មានទីតាំងស្នាមសាក់ លេខ ៧ នៅលើដៃ
– Jeon Jungkook (Jungkook) មានទីតាំងស្នាមសាក់ លេខ ៧ នៅលើកញ្ចឹង-ក ផ្នែកខាងក្រោមត្រចៀកបន្តិច
ដោយឡែក នៅឡើយសល់តែសមាជិក Min Yoongi ឬ Suga ម្នាក់ទៀតតែប៉ុណ្ណោះ ដែលមិនទាន់បង្ហាញស្នាមសាក់មួយនោះ មានតែរង់ចាំទស្សនាបន្ត ថាតើរូបគេនឹងសាក់ Tattoo Friendship : 7 នោះនៅកន្លែងមួយណា៕