ឃើញស្និទ្ធគ្នាខ្លាំង តែមិនស្មានថា Gun និង Off ធ្លាប់ឈ្លោះគ្នាបែកផ្សែងដោយសាររឿងផោម

តារាសម្ដែងប្រុសរូបសង្ហា Gun Atthaphan និង តារាប្រុស Off Jumpol គឺដៃគូសម្ដែងរឿង BL មួយគូដែលមានទំនាក់ទំនងស្អិតល្មួតជាមួយគ្នា រហូតនាំឱ្យមហាជនផ្គូរផ្គងឱ្យអ្នកទាំងពីរក្លាយជាសង្សារក្រៅឆាកទៀតផង។ ជារឿយៗដៃគូសម្ដែងមួយនេះតែងបានបង្ហាញនូវសកម្មភាពស្និទ្ធស្នាល និង ផ្អែមល្ហែមជាមួយគ្នានៅលើបណ្ដាញសង្គមហ្វេសប៊ុក និង អ៊ីនស្ត្រាក្រាម។

ទន្ទឹមនឹងភាពផ្អែមល្ហែមមិនលស់ថ្ងៃនេះ តារាប្រុ Gun និង Off ក៏ធ្លាប់មានរឿងអន់ចិត្ត និង ឈ្លោះគ្នាផងដែរ។ ទម្លាយក្នុងកម្មវិធី The Driver កាលពីពេលកន្លងទៅ Gun និង Off បានទម្លាយរឿងរ៉ាវមួយចំនួន ក្នុងនោះគឺមានរឿងចំនួន ២ ធំៗ ដែលនាំឱ្យកើតរឿងឈ្លោះ និង អន់ចិត្តគ្នា។ ទី ១ គឺរឿងក្ដៅហត់អស់កម្លាំងនៅពេលធ្វើការ រីឯរឿងទី ២ គឺ នរណាផោម។

មានគ្រាមួយនៅកន្លែងធ្វើការនៅសុខៗ​ក៏មានអ្នកផោម ដោយក្នុងនោះ Off បានចោទទៅកាន់តារាប្រុស Gun ថាជាអ្នកផោម ហើយ Gun ក៏អន់ចិត្តជាមួយលោក និង មិននិយាយរក ព្រមទាំងមិនទៅថតរឿងឡើយ។ ក្រោយមកព្រោះតែ Gun មិនព្រមទៅធ្វើការ ហើយប៉ះពាល់ការងារ តារាប្រុស Off ក៏បានឈែតទៅសម្រួលគ្នាវិញ ក្រោយមកក៏បានវិលមកដូចដើមវិញ។ ដោយឡែក បើងាកទៅមើលពិធីករក្រោយពីស្តាប់រឿងនោះហាក់អស់សំណើច ព្រោះមិននឹកស្មានថា គ្រាន់តែរឿងប៉ុណ្ណឹងសោះធ្វើឱ្យអ្នកទាំងពីរមើលមុខគ្នាមិនចំ៕