ជិតដល់ថ្ងៃការ បែកធ្លាយថ្លៃទឹកដោះ Weir ចូលស្តីដណ្តឹងអនាគតប្រពន្ធ តួលេខច្រើនណាស់!

កាលពីពេលថ្មីៗនេះ តារាប្រុសលំដាប់ជួរមុខប្រចាំប្រទេសថៃ​ Weir បានប្រកាសដំណឹងល្អ ផ្អើលកក្រើកពិភពសិល្បៈថា លោកនឹងចូលរោងការនៅថ្ងៃទី ១៧ ខែកក្កដា ឆ្នាំ ២០២២ ខាងមុខនេះជា មួយគូស្នេហ៍ថ្មីជាអ្នកក្រៅសិល្បៈ។

បន្ថែមពីនេះ ក៏មានលេចដំណឹងថា លោក Weir បានទិញផ្ទះចន្លោះពី ៣៥-៩០ លានបាត (ប្រមាណ ១ លានដល់ ២ លាន ៥ សែនដុល្លារ) ដើម្បីរស់នៅជាមួយអនាគតភរិយា ក្រោយរៀបការរួច។

មិនត្រឹមតែប៉ុណ្ណោះ តាមប្រភពព័ត៌មានក្រៅស្រុកមួយបានទម្លាយទៀតថា ថ្លៃបណ្ណាការដែលគ្រួសារខាងស្រីបង្គាប់យកពីតារាប្រុស Weir គឺចំនួន ១០០ លានបាត (ប្រមាណ ២ លាន ៧ សែនដុល្លារ)។

យ៉ាងណាមិញ ការបែកធ្លាយនេះមិនទាន់មានការចេញបញ្ជាក់ពីតារាប្រុស Weir នៅឡើយទេ ហេតុដូចនេះមានតែរង់ចាំការរាយការណ៍លម្អិតនៅពេលក្រោយ៕